Dadatak WB taxi zapracavaŭ va ŭsich karystalnikaŭ. A što z cenami?
U Biełarusi zapracavaŭ dadatak WB Taxi dla ŭsich karystalnikaŭ. Raniej jon byŭ dastupny tolki ŭdzielnikam beta-testu. Office Life paraŭnaŭ ceny na pajezdki novaha servisu z kankurentami.
Naprykład, u paniadziełak u abied košt pajezdki ad płoščy Banhałor da Niamihi pa taryfie «Ekanom» skłaŭ 8,8 rubla WB Taxi. Dla paraŭnańnia: u «Jandeksie» takaja ž pajezdka kaštavała b 7,4 rubla, a ŭ A1 — 7,3 rubla. Pa taryfie «Kamfort» WB Taxi cana skłała 11,1 rubla, tady jak u «Jandeksie» i A1 — 8,3 i 9,5 rubla adpaviedna.
Pry bolš dalokich pajezdkach situacyja vyhladaje inakš. Tak, pajezdka ad centralnaha aŭtavakzała da vulicy Alibiehava (prykładna 10 km) kaštuje 13,7 rubla pa «Ekanomie» i 17,1 rubla pa «Kamforcie» WB Taxi. Heta tańniej, čym u «Jandeksie» (16,7 rubla za «Ekanom» i 18,8 rubla za «Kamfort»), ale daražej, čym u A1 (13,4 rubla za «Ekanom» i 16,8 rubla za «Kamfort»).
Aficyjnych taryfaŭ, jakija možna było b padrabiazna vyvučyć, u WB Taxi pakul niama. Taksama viadoma, što ŭ dadatku — ułasnaja navihacyjnaja sistema, raspracavanaja kamandaj kampanii.
Płany pa zapusku servisu taksi ad Wildberries stali viadomyja jašče ŭ lutym hetaha hoda.
Taksama ŭ červieni Office Life daviedaŭsia, što ŭ rejestry pieravozčykaŭ zarehistravali jašče adnaho patencyjnaha hulca — kampaniju «Brokar Bieł», jakaja źviazana z servisam Bro Car z Kazachstana. Adnak pra płany hulcoŭ z Kazachstana pačać pracu na biełaruskim rynku aficyjna da hetaha času ničoha nie paviedamlałasia.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary