U lipieńskim numary niadaŭna stvoranaha časopisu «Śpiecnaz» źmiešiaany artykuł Jurja Sivakova «Ab honary». U im pieradrukoŭvajecca kodeks honaru aficera, napisany Adolfam Hitleram. Pavodle Ju.Sivakova, biełaruskamu aficeru?
U lipieńskim numary niadaŭna stvoranaha časopisu «Śpiecnaz» źmieščany artykuł Jurja Sivakova «Ab honary». U im aŭtar raić biełaruskim bajcam, siarod inšaha, źviarnucca da kodeksu honaru aficera, napisanaha Adolfam Hitleram. Nad jakimi ž pastulatami Hitlera, pavodle Ju.Sivakova, varta zadumacca biełaruskamu aficeru?
Najbolšuju cikavaść ujaŭlajuć nastupnyja:
«Luboŭ da fiurera, narodu i ajčyny pa-nad usim. Tamu aficer pavinien dakładna adździalić siabie ad tych, chto staić naŭzboč ad hiermanskaha šlachu i baraćby».
«Jaho blizkija abaviazany prytrymlivacca tych samych pierakanańniaŭ, što i jon. Kali žonka aficera dazvalaje sabie vykazvańni, jakija mohuć paciahnuć za saboj kryminalnaje pakarańnie za «padbuchtorvańnie», to heta nijak nia robić jamu honaru...»
Časopis «Śpiecnaz» zasnavany HA «Biełaruskaja asacyjacyja veteranaŭ padraździaleńnia specyjalnaha pryznačeńnia vojskaŭ MUS «Honar» (staršynia asacyjacyi Ju.Sivakoŭ). Na staronkach drukujecca kamandzir bryhady specyjalnaha pryznačeńnia ŭnutranych vojskaŭ Dźmitry Paŭličenka. Bajcy jaho bryhady daŭno prysiahajuć u pieršuju čarhu prezydentu, a ŭžo potym narodu i krainie. Adnak havorka viadziecca pra «viernaść fiureru». Ci nia ciahnuć rekamendacyi byłoha ministra MUS na prapahandu fašyzmu? Kamentuje praŭnik Valancin Stefanovič: «U biełaruskim pravie niama vyznačeńnia «prapahanda fašyzmu», tamu za hetyja vykazvańni Sivakova niemahčyma asudzić jurydyčna. Ale heta paprostu amaralna, i Sivakoŭ varty maralnaha asudžeńnia. U Biełarusi rekultyvujecca vobraz Stalina, i tut ža dziaržaŭnyja asoby vyšejšaha ranhu dazvalajuć sabie cytavać Hitlera. Heta, mabyć, ahulnaja tendencyja ŭźvialičvańnia tatalitarnych kaštoŭnaściaŭ».
❏
U zastaŭcy vykarystanaje fota photo.bymedia.net. Na fota — Jury Sivakoŭ..
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3030
Kamientary