U rasijskaj škole, što abvaliłasia na vačach u ludziej, u toj dzień pavinny byli vučycca raźbirać aŭtamat, ale nichto nie pryjšoŭ
U horadzie Tatarsk (Novasibirskaja vobłaść) u niadzielu, 21 vieraśnia, ruchnuŭ budynak ahulnaadukacyjnaj škoły №5 prykładna ŭ 10:40 pa miascovym časie. Nichto nie paciarpieŭ, dziaciej nie było, ale zaniatki ŭ hety dzień byli zapłanavanyja.
U dzień abvalvańnia škoły ŭ toj samaj častcy, jakaja paciarpieła, pavinny byli prajści zaniatki kramloŭskaha ruchu «Junarmija», raspaviali vučni. Adnak nichto nie pryjšoŭ, piša «Astra» sa spasyłkaju na miascovy pablik.
«Pavinny byli aŭtamat raźbirać. Ale nichto nie pryjšoŭ: chtości zachvareŭ, chtości palenavaŭsia. Voś lanota vyratavała čałavieka», — raspaviali dzieci ŭ «Padsłuchana Tatarsk».
Pa ich słovach, u toj častcy budynka znachodziŭsia tolki vartaŭnik, jon paśpieŭ vyskačyć praz čorny ŭvachod.
Navučency dadali, što ŭ miascovuju «Junarmiju» chodziać tolki 12‑13 čałaviek.
Škoła abrynułasia ad staraści, jana była pabudavana ŭ 1930-ch. Pry hetym miesiac tamu, u žniŭni 2025 hoda, ułady pryznali jaje całkam prydatnaj da pačatku navučalnaha hoda.
-
Ruhinienie: Litva hatova razhledzieć zapyt ZŠA adnavić tranzit biełaruskich uhnajeńniaŭ, kali jon budzie
-
Kiraŭnik MZS Azierbajdžana paviedamiŭ pra «surjoznyja pytańni» da Maskvy praz zakryćcio spravy ab katastrofie łajniera AZAL
-
Zialenski dapuściŭ, što Tramp moža pryjechać va Ukrainu dla padtrymki płana mirnaha pahadnieńnia
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary