У расійскай школе, што абвалілася на вачах у людзей, у той дзень павінны былі вучыцца разбіраць аўтамат, але ніхто не прыйшоў
У горадзе Татарск (Новасібірская вобласць) у нядзелю, 21 верасня, рухнуў будынак агульнаадукацыйнай школы №5 прыкладна ў 10:40 па мясцовым часе. Ніхто не пацярпеў, дзяцей не было, але заняткі ў гэты дзень былі запланаваныя.
У дзень абвальвання школы ў той самай частцы, якая пацярпела, павінны былі прайсці заняткі крамлёўскага руху «Юнармія», распавялі вучні. Аднак ніхто не прыйшоў, піша «Астра» са спасылкаю на мясцовы паблік.
«Павінны былі аўтамат разбіраць. Але ніхто не прыйшоў: хтосьці захварэў, хтосьці паленаваўся. Вось лянота выратавала чалавека», — распавялі дзеці ў «Падслухана Татарск».
Па іх словах, у той частцы будынка знаходзіўся толькі вартаўнік, ён паспеў выскачыць праз чорны ўваход.
Навучэнцы дадалі, што ў мясцовую «Юнармію» ходзяць толькі 12‑13 чалавек.
Школа абрынулася ад старасці, яна была пабудавана ў 1930-х. Пры гэтым месяц таму, у жніўні 2025 года, улады прызналі яе цалкам прыдатнай да пачатку навучальнага года.
-
«Залічаная па нестандартнай працэдуры». Стала вядома, як шчодра падмазваў Эпштэйн універсітэт, у якім вучылася Карына Шуляк
-
Рубіа ў апошні момант адмяніў сустрэчу з лідарамі Еўропы аб пытанні Украіны
-
Студзень 2026 года ўвайшоў у пяцёрку самых цёплых першых месяцаў года ў свеце. Як гэта ні дзіўна для беларусаў
«Яна не выглядала шчырай, была ў масцы». Паўлючэнка пра сустрэчу Калеснікавай з беларускімі журналістамі12
Каментары