Kyrhyzstan pakul nie nakiroŭvaŭ u Biełaruś aficyjny zapyt na vydaču źvierhnutaha prezidenta Kurmanbieka Bakijeva, jaki znachodzicca ŭ Minsku. Pra heta paviedamiŭ kiraŭnik aparatu časovaha ŭrada Kyrhyzstana Edyl Bajsałaŭ.
Nahadajem, 27 krasavika namieśnik staršyni časovaha ŭrada Kyrhyzstana Azimbiek Bieknazaraŭ, jaki kuryruje pravaachoŭnyja orhany, paviedamiŭ, što Bakijeŭ zavočna abvinavačany na padstavie dvuch artykułaŭ Kryminalnaha kodeksa — u arhanizacyi zabojstvaŭ i złoŭžyvańni słužbovym stanoviščam. Takim čynam, padstavy dla jaho ekstradycyi jość, padkreśliŭ Bieknazaraŭ.
«My jašče nie źviartalisia da biełaruskich uład, ale heta tolki pytańnie času. My pieršapačatkova havaryli, što hetaja asoba (Bakijeŭ) biažyć ad pravasudździa», — skazaŭ Bajsałaŭ. Jon nahadaŭ, što Bakijeŭ «spačatku padpisaŭ zajavu ab adstaŭcy mienavita ŭ abmien na toje, što mižnarodnaja supolnaść dapamahła jamu vyjechać z Kyrhyzstana», a zatym zajaviŭ, što nie pryznaje hetaj adstaŭki. «Kali my raniej niejak byli adciahnuty na svaje ŭnutranyja prablemy pa adnaŭleńni haspadarki i stabilnaści, to jaho apošnija zajavy prymusili časovy ŭrad paskoryć hety praces i nazyvać rečy svaimi imionami», — zajaviŭ Bajsałaŭ.
Pavodle jaho słoŭ, aformić zajaŭku na vydaču Bakijeva «ciažkaści nie ŭjaŭlaje». «My razumiejem usiu dalikatnaść situacyi dla biełaruskaha kiraŭnictva. Nam zusim nie chočacca svarycca ź Biełaruśsiu z‑za Kurmanbieka Bakijeva. Ale my ŭpeŭnieny, što Biełaruś paśla zaviaršeńnia pracy mižnarodnaj kamisii, u jakoj moža ŭdzielničać i Biełaruś jak zasnavalnica AAN i naš najbližejšy sajuźnik, pad nieabvieržnym hruzam vystaŭlenych abvinavačańniaŭ nie zmoža ŭtojvać pad svajoj abaronaj złačyncu», — padkreśliŭ Bajsałaŭ.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary