Jašče nie viadoma dakładna, chto z ajčynnych i zamiežnych muzyčnych zorak voźmie ŭdzieł u feście, dziŭnym čynam hetaja infarmacyja trymajecca ŭ sakrecie.
Nia pieršy tydzień usia Biełaruś abklejena nalepkami «Vialiki džynsavy fest», moładź chodzić u sakołkach z takimi samymi nadpisami. Arhanizatary akcyi sapraŭdy vielmi dobra papracavali nad PR. Pra «Vialiki džynsavy fest» čuli litaralna ŭsie, ale pa-raniejšamu zastavałasia niajasnaść, što nas urešcie čakaje ŭ subotu.
Arhanizatary padali zajaŭku na praviadzieńnie «festu» jašče naprykancy žniŭnia, ale da apošniaha nie było peŭnaści, što ŭłady dazvolać akcyju, asabliva ŭ śviatle niadaŭnich zabaronaŭ na «niepažadanyja» kancerty N.R.M. i staražytnaj muzyki.
Adkaz ad haradzkich uładaŭ pryjšoŭ litaralna na dniach. Mienharvykankam dazvoliŭ tolki kancert-mitynh na Banhałory, zabaraniŭšy šeście ad Akademii navuk. Arhanizatary zaklikajuć usich achvočych prychodzić mienavita na płošču Banhałor a 16:00, a nie źbiracca la kinateatru «Kastryčnik», jak planavałasia raniej.
«Vialiki džynsavy fest» adbudziecca ŭ siomuju hadavinu źniknieńnia palityka Viktara Hančara i biznesoŭca Anatola Krasoŭskaha, tym samym udzielniki źbirajucca iznoŭ pryciahnuć uvahu hramadzkaści da prablemy źnikłych u Biełarusi ludziej.
«Vialiki džynsavy fest» – heta pieršaja ź viasny masavaja i šyrokamaštabnaja palityčnaja akcyja apazycyi, bo kancert 25 žniŭnia ŭsio ž nie nasiŭ jaskravaha palityčnaha charaktaru. Dla apazycyi heta sproba pravieryć ułasnyja rezervy, pahladzieć, jakuju realnuju siłu jana maje na dadzieny momant.
Jašče nie viadoma dakładna, chto z ajčynnych i zamiežnych muzyčnych zorak voźmie ŭdzieł u feście, dziŭnym čynam hetaja infarmacyja trymajecca ŭ sakrecie. Chiba tolki «Tavaryš Maŭzer» ćmiana tak namieniŭ, što zajhraje na Banhałory 16 žniŭnia.
Siarod nalepak da «Vialikaha džynsavaha festu» jość i takaja, dzie akcyju biełaruskaj apazycyi reklamuje Brus Ŭilis. Napeŭna, hetaja akaličnaść dała padstavu «Muzykalnoj hazietie» paviedamić, što na kancert u Miensk pryjedzie hetaja zorka Halivuda razam sa svaim hurtam «The Accelerators». Vidavočna, što hetaja navina – prostaja burbałka. Adnak arhanizatary i biez taho abiacajuć mnostva muzyčnych i inšych siurpryzaŭ, jakich jašče nikoli nie było na biełaruskich imprezach.
Ciapier čytajuć
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ43
Palčys zajaviŭ, što heta jon kaardynavaŭ pratesty 2020 hoda ź Minska i pisaŭ płany pieršych maršaŭ
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary