Sinoptyk Dźmitryj Rabaŭ u efiry ANT papiaredziŭ, što z 17 pa 23 listapada nadvorje ŭ Biełarusi stanie bolš zimovym. Daždžy buduć usio čaściej pierachodzić u mokry śnieh, tempieratura — apuskacca nižej za nul, a na darohach źjavicca hałalod. Pieravažać buduć paŭnočnyja i paŭnočna-zachodnija viatry.
U pačatku tydnia čakajucca tuman, vysokaja vilhotnaść i karotkačasovyja apadki, u tym liku mokry śnieh. Nočču ad -1 na paŭnočnym zachadzie da +7 na poŭdni. Dniom u paniadziełak +3…+9, u aŭtorak +1…+6.
U siaredzinie tydnia nad krainaj umacujecca vobłaść vysokaha cisku: apadkaŭ stanie mienš, ale ranicaj i nočču budzie tuman, mahčymy hałalod. Unačy ŭ sieradu maroz da -5, udzień da +3.
U druhoj pałovie tydnia znoŭ pryjduć atmaśfiernyja franty: doždž, mokry śnieh, tuman i hałalod. Nočču -1…-6, udzień u čaćvier kala +3, u piatnicu — da +2.
U vychadnyja nadvorje vyznačyć antycykłon. Istotnych apadkaŭ nie pradbačycca, ale zastaniecca tuman z vobłaściu bačnaści da 500 m. Nočču -2…-7, u subotu ŭdzień kala 0, u niadzielu — ad 0 da -4.
Kamientary