14 listapada namieśnik kiraŭnicy Abjadnanaha pierachodnaha kabinieta, kiraŭnik NAU Pavieł Łatuška pravioŭ sustreču va Uradavym infarmacyjnym centry Polščy datyčna pytańnia arhanizacyi infarmacyjnaha resursu dla hramadzian Biełarusi, jakija žyvuć u Polščy.
Jak adznačaje vydańnie «Rzeczpospolita», na dadzieny momant 145 tysiač hramadzian Biełarusi majuć u Polščy časovy dazvoł na žycharstva i jašče 60 tysiač — status stałych žycharoŭ.
Praca ŭ stvareńni infarmacyjnaha partału dla biełarusaŭ na finalnym etapie. Płanujecca, što na staroncy možna budzie znajści infarmacyju pra kantakty, u tym liku spasyłki na infarmacyjnyja staronki patrebnych polskich dziaržorhanaŭ i ŭstanovaŭ, a taksama adkazy na najbolš raspaŭsiudžanyja pytańni, paviedamlaje Abjadnany pierachodny kabiniet.
Internet-staronka budzie skiravanaja da biełarusaŭ, jakija vyrašyli žyć u Polščy. Na joj možna budzie znajści karysnyja parady nakont aficyjnych farmalnaściej, pracesu lehalizacyi, dostupu da sacyjalnych vypłat, mahčymaściej pracaŭładkavańnia, viadzieńnia haspadarčaj dziejnaści ci adukacyi dziaciej i inš.
Uvieś apublikavany źmiest budzie mieć aficyjny charaktar i rychtavacca na padstavie dziejnych pravavych normaŭ, a taksama infarmacyi, dadzienaj polskimi dziaržaŭnymi ŭstanovami.
Partał stvarajecca na biełaruskaj movie.
Kamientary