U Biełarusi płanujuć zabaranić rekłamu elektronnych cyharet i pašyryć pieralik miescaŭ, dzie kureńnie budzie całkam zabaroniena. Pra heta na pres-kanfierencyi paviedamiła kiraŭnica adździeła hramadskaha zdaroŭja Respublikanskaha centra hihijeny, epidemijałohii i hramadskaha zdaroŭja Volha Bartman, piša Sputnik.
Zhodna ź biełaruskim zakanadaŭstvam, da kureńnia adnosiać nie tolki zvyčajnyja cyharety, ale i vykarystańnie elektronnych sistem kureńnia i sistem dla nahrevu tytuniu.
Užo isnujuć narmatyŭnyja akty, jakija rehulujuć hety vid pradukcyi, ale ŭ kancy 2024 hoda byŭ inicyjavany prajekt zakona, jaki abjadnaje rehulavańnie tytuniovaj i nikacinavaj pradukcyi. U im praduhledžvajecca zabarona rekłamy elektronnych pryład dla kureńnia i pašyreńnie śpisu miescaŭ, dzie kureńnie budzie zabaroniena, naprykład, na hankach šmatkvaternych damoŭ i internataŭ.
Volha Bartman adznačyła, što najbolš časta nikacinavyja pradukty vykarystoŭvajuć ludzi va ŭzroście ad 19 da 29 hadoŭ, a miedykaŭ asabliva turbuje rost kolkaści maładych ludziej, jakija karystajucca elektronnymi cyharetami. Čynoŭnica padkreśliła, što vejpy nie źjaŭlajucca biaśpiečnymi, pakolki ŭ ich utrymlivajecca nikacin, a taksama inšyja rečyvy (prapilenhlikol, hliceryn), jakija pry vyparvańni vydzialajuć škodnyja dla arhanizmu złučeńni.
Elektronnyja sistemy kureńnia ŭpłyvajuć na dychalnuju, serca-sasudzistuju, imunnuju, repraduktyŭnuju i niervovuju sistemy, asabliva ŭ padletkaŭ. Jość ryzyka, što karystalniki vejpaŭ u budučyni pačnuć kuryć zvyčajnyja cyharety i stanuć «padvojnymi kurcami».
Pavodle daśledavańnia, 15,1% vučniaŭ 13—15 hadoŭ vykarystoŭvajuć elektronnyja pryłady dla kureńnia, i siarod ich bolš dziaŭčynak.
U Biełarusi vyrašyli nie zabaraniać vejpy — bo na ich jość «peŭny spažyviecki popyt»
Kureńnie vejpu moža vyklikać karyjes
U Salihorsku školnik trapiŭ u balnicu paśla ŭžyvańnia vejpu
10% biełaruskich dziaciej pačynajuć vejpić užo ŭ pačatkovych kłasach
Pamiatajecie, Kačanava paabiacała zabaranić vejpy? Ciapier jana tłumačyć, čamu ŭsio stała
Što adbyłosia z 16‑hadovaj dziaŭčynaj ź Dziaržynska, jakaja pamierła paśla kureńnia vejpu? Raskazvajuć jaje siabry
Kamientary
mnie riebienok rasskazyvał čto niekotoryje dieti v 4 kłaśsie užie kuriat. pokupajut viejpy v tielehramie