Kiraŭnik kamisii Siejma Litvy: My pavieryli ŭ dobruju volu Biełarusi i paśpiašalisia z adkryćciom miažy
U suviazi z praciahłym zalotam mieteazondaŭ ź Biełarusi staršynia Kamiteta Siejma Litvy pa zamiežnych spravach Remihijus Motuzas pryznaje, što Litva paśpiašałasia z rašeńniem ab adkryćci miažy ź Biełaruśsiu, paviedamlaje Delfi.lt.
Jak padkreślivaje palityk, hetaje rašeńnie było pryniata dla jak maha chutčejšaha vyrašeńnia prablemy z furami, jakija zatrymalisia na miažy.
«My paśpiašalisia [z adkryćciom miažy], bo pieravozčyki akazvali na nas vialiki cisk. Nasamreč, kali pahłyblacca ŭ situacyju ź pieravozčykami, jana była vielmi składanaj. Pakolki była zatrymanaja nie tolki technika, ale i častka pieravozčykaŭ, taksama była značnaja kolkaść tavaraŭ (…). Viadoma, na peŭnym uzroŭni vialisia pieramovy z pamiežnymi słužbami. My čuli ad pavažanaha Rustama Lubajeva [kiraŭnika Słužby achovy dziaržaŭnaj miažy], što biełaruski bok pastaviŭsia da hetaha vielmi surjozna (…). My pavieryli ŭ dobruju volu Biełarusi», — zajaviŭ Remihijus Motuzas.
Na dumku staršyni KIS, dla vyrašeńnia prablemy ź mieteazondami kantrabandystaŭ nieabchodna znoŭ sklikać mižviedamasnuju naradu. Akramia taho, važnaje supracoŭnictva na ŭzroŭni krain Jeŭrapiejskaha sajuza (ES) i ŭviadzieńnie novych sankcyj suprać Biełarusi. «Sankcyi pavinny być uzmocnieny suprać Biełarusi i Rasii, u tym liku praz hibrydnyja pahrozy», — skazaŭ jon.
Jak paviedamlałasia, za apošnija sutki paśla vyjaŭleńnia ŭ pavietranaj prastory Litvy šaroŭ, jakija ruchalisia ŭ bok Vilenskaha aeraporta, toj zakryvaŭsia dvojčy. Pavodle danych Vilenskaha aeraporta, prypynieńnie amal na piać z pałovaj hadzin adbyłosia ŭ niadzielu a 18:55, adnoŭlenaje a 00:25 i ŭ noč na paniadziełak z 1:40 da 3:25.
Miaža ź Biełaruśsiu była zakrytaja ŭradam Litvy z 26 kastryčnika, płanavałasia, što jana budzie zakrytaja da 30 listapada, ale paśla adkryćcia dvuch pierachodaŭ na polska-biełaruskaj miažy ŭrad Litvy pryniaŭ rašeńnie adkryć miažu z 20 listapada.
Ciapier čytajuć
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha1111
Pamiatajecie minčuka, jaki ŭ 2017‑m vyratavaŭ ściah z-pad noh amapaŭcaŭ — koštam svajoj svabody? Ciapier jamu, byłomu palitviaźniu, patrebnaja dapamoha11
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5454
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam54
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4747
Kamientary