U Hrodnie mužčyna zalivaŭ klejem mašyny, jakija zasłaniali jamu prachod da śmietnicy
U Hrodnie mužčyna niekalki razoŭ paškodziŭ klejem adnyja i tyja ž aŭtamabili, bo jany, jak jon ličyŭ, pieraškadžali jamu dajści da śmietnicy. Pra heta paviedamiła pres-słužba UUS Hrodzienskaha abłvykankama.
Pa słovach siłavikoŭ, u mai 2025 hoda 37‑hadovy hrodzieniec vyjšaŭ vykinuć śmiećcie. Pa darozie da kantejnieraŭ stajaŭ Mercedes, jaki, na jaho dumku, zaharadziŭ prachod. Mužčyna razzłavaŭsia i vyrašyŭ «adpomścić»: jon vymazaŭ mašynu klejem, jaki byŭ u jaho ŭ pakiecie sa śmiećciem.
Praź miesiac situacyja paŭtaryłasia — na tym ža miescy ŭžo stajaŭ Seat. Hrodzieniec paličyŭ, što i hety aŭtamabil «pieraškadžaje», nabyŭ klej i ŭnačy zaliŭ im zamok dźviarej.
U kancy žniŭnia abodva aŭto znoŭ apynulisia kala kantejnieraŭ, i mužčyna zrabiŭ hetak ža sama, jak i raniej: nanios klej na kapot i łabavoje škło. U vieraśni i kastryčniku jon praciahnuŭ svaje dziejańni ŭ nadziei, što ŭładalniki pierastanuć stavić mašyny ŭ hetym miescy.
Pry hetym kiroŭcy Mercedes i Seat ničoha nie parušali — stajanka ŭ hetym miescy dazvolenaja i piešachodam jany nie pieraškadžali. Ahulnaja suma naniesienaj škody skłała bolš za 3000 rubloŭ.
Kali ŭładalniki zrazumieli, što chtości metanakiravana psuje ich mašyny, jany źviarnulisia ŭ milicyju. Supracoŭniki kryminalnaha vyšuku chutka ŭstanavili vinavataha, i jaho zatrymali. Na mužčynu zaviali kryminalnuju spravu pa artykule «Chulihanstva».
U Ašmianach mužčyna vykinuŭ plašku z akna, škoda skłała 400 rubloŭ
«Navalili cehły»: u Mahilovie miascovyja kładuć u lifty cahliny, kab tyja lepš pracavali
U Hrodnie padletak pabiŭ słoikam z-pad šakaładnaj pasty łabavoje škło ŭ mašynie
U Minsku mužčyna raźbiŭ dźviery ŭ banku, kali nie zmoh źniać hrošy ŭ bankamacie
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary