Kim Čen Yn pavitaŭ u Pchieńjanie vajskoŭcaŭ, jakija brali ŭdzieł u raźminiravańni ŭ Kurskaj vobłaści
Kim Čen Yn sustreŭsia ŭ Pchieńjanie z vajskoŭcami 528‑ha inžyniernaha pałka Karejskaj narodnaj armii, jakija viarnulisia dadomu paśla vykanańnia zadač «ŭ zonie bajavych dziejańniaŭ za miažoj», paviedamlaje Centralnaje telehrafnaje ahienctva Karei (CTAK).
Padčas uračystaj cyrymonii Kim Čen Yn vystupiŭ z pramovaj, u jakoj nahadaŭ, što połk byŭ razhornuty ŭ Rasii ŭ pačatku žniŭnia i «dasiahnuŭ bliskučych vynikaŭ pry vykanańni inžynierna-bajavych zadač» u Kurskaj vobłaści. Adnak na praciahu svajoj misii, jakaja doŭžyłasia 120 dzion, połk panios «dzieviać trahičnych strat», zajaviŭ lidar KNDR.
«Naš inžynierny połk, ryzykujučy žyćciom pry vykanańni zahadzia, nie atrymaŭ ni kampiensacyi, ni ŭznaharody, ale atrymaŭ samaje kaštoŭnaje ŭ śviecie, što ništo nie moža zamianić. Heta viera i davier partyi, krainy i naroda da našaj armii», — skazaŭ Kim Čen Yn u svajoj pramovie.
Ciapier čytajuć
Łukašenka raskazaŭ pra zabojstva apazicyjaniera, jakoje nibyta adbyłosia try dni tamu18
Kamientary
Tamu Kim całkam abhruntavana moža sikać u vušy svajmu narodu pra niepieramožnaść i lehiendarnaść Karejskaj narodnaj armii, niekalki padraździaleńniaŭ jakoj zdoleli vyzvalić cełuju rasiju ad vojskaŭ Ukrainy.