89‑hadovy žanich i 85‑hadovaja niaviesta ažanilisia na Homielščynie
Jany sustrelisia paŭstahodździa tamu. Tady Aryjon pryjechaŭ na pracu, ubačyŭ Nalu i zakachaŭsia.
U pasiołku Akciabrski Homielskaha rajona ažanilisia 89‑hadovy Aryjon Vasiljevič i 85‑hadovaja Nala Charytonaŭna.
Aryjon Vasiljevič rodam z Ukrainy, Nala rasijanka. U Biełarusi jany sustrelisia paŭstahodździa tamu. Tady chłopiec pryjechaŭ na pracu, ubačyŭ Nalu i zakachaŭsia. Para doŭhija hady žyła razam, a na załaty jubilej sustrečy vyrašyła narešcie raśpisacca, paviedamlaje Hałoŭnaje ŭpraŭleńnie justycyi Homielskaha abłvykankama.
«Pravieryli pačućci časam, — uśmichajecca Aryjon Vasiljevič. — Žyli ŭ lubovi i zhodzie, a ciapier chočam stać sapraŭdnymi mužam i žonkaj, nasić adnoje proźvišča».
Nala Charytonaŭna na cyrymoniju pryjšła śviatočna adzietaj. Bieły šalik zamiest velumu, elehantnaja fryzura i makijaž, bukiet kvietak. Muž z žonkaj stupili na ručnik i abmianialisia piarścionkami.
Kamientary