Яны сустрэліся паўстагоддзя таму. Тады Арыён прыехаў на працу, убачыў Налю і закахаўся.
У пасёлку Акцябрскі Гомельскага раёна ажаніліся 89‑гадовы Арыён Васільевіч і 85‑гадовая Наля Харытонаўна.
Арыён Васільевіч родам з Украіны, Наля расіянка. У Беларусі яны сустрэліся паўстагоддзя таму. Тады хлопец прыехаў на працу, убачыў Налю і закахаўся. Пара доўгія гады жыла разам, а на залаты юбілей сустрэчы вырашыла нарэшце распісацца, паведамляе Галоўнае ўпраўленне юстыцыі Гомельскага аблвыканкама.
«Праверылі пачуцці часам, — усміхаецца Арыён Васільевіч. — Жылі ў любові і згодзе, а цяпер хочам стаць сапраўднымі мужам і жонкай, насіць адное прозвішча».
Наля Харытонаўна на цырымонію прыйшла святочна адзетай. Белы шалік замест вэлюму, элегантная фрызура і макіяж, букет кветак. Муж з жонкай ступілі на ручнік і абмяняліся пярсцёнкамі.
Каментары