Ukraina treci raz za tydzień naniesła ŭdary pa rasijskich naftahazavych abjektach u Kaśpijskim mory
Jak paviedamlajuć krynicy vydańnia Hromadske, 15 śniežnia ŭkrainskija drony atakavali płatformu na naftahazakandensatnym radoviščy imia Karčahina. U vyniku byli paškodžanyja klučavyja elemienty abstalavańnia, što pryviało da spynieńnia zdabyčy. Apieracyju praviała Słužba biaśpieki Ukrainy.
Heta ŭžo treciaja ataka na rasijskuju naftahazavuju infrastrukturu ŭ Kaśpijskim mory za apošnija dni. 11 śniežnia drony SBU ŭdaryli pa płatformie na radoviščy imia Fiłanoŭskaha, a na nastupny dzień ataka była paŭtoranaja — užo pa abjekcie, praź jaki nafta pastaŭlajecca na ekspart praz Kaśpijski trubapravodny kansorcyum. Tady ž upieršyniu była paškodžanaja płatforma na radoviščy imia Karčahina.
U vyniku hetych udaraŭ była spynienaja zdabyča nafty i hazu bolš jak na 20 śvidravinach, a taksama paškodžana važnaje abstalavańnie na abiedźviuch lodaŭstojlivych płatformach. Usie abjekty naležać kampanii «Łukojł-Nižniavołžsknafta».
Radovišča imia Karčahina, adkrytaje ŭ 2000 hodzie, znachodzicca ŭ paŭnočnaj častcy šelfa Kaśpijskaha mora prykładna za 180 kiłamietraŭ ad Astrachani. Jahonyja zapasy aceńvajucca na 28,8 miljona ton nafty i 63,3 miljarda kubamietraŭ hazu. Radovišča imia Fiłanoŭskaha ličycca adnym z najbujniejšych raźviedanych u Rasii i ŭ jaje siektary Kaśpijskaha mora — z zapasami kala 129 miljonaŭ ton nafty i 30 miljardaŭ kubamietraŭ hazu.
Kamientary
"Ukraincy padarvali rasijskuju padvodnuju łodku «Varšavianka» ŭ porcie Novarasijska"
-NN