Biełaruska paskardziłasia, što zaraziłasia hrybkom praz prakatnyja kańki. Heta realna?
U sacyjalnaj sietcy Threads nabrała papularnaść historyja dziaŭčyny, jakaja, naviedaŭšy katok, zaraziłasia hrybkom praz prakatnyja kańki. Jana vykazała abureńnie jakaściu sanitarnaj apracoŭki invientara i adznačyła, što ciapier joj daviadziecca prajści praciahłaje lačeńnie. Paśla hetaha vypadku dziaŭčyna vyrašyła ŭ dalejšym chadzić na lod tolki sa svajoj ułasnaj ekipiroŭkaj, piša «Minskaja praŭda».
Miedycynskaja ekśpiertka, dacent kafiedry dziciačych infiekcyjnych chvarob BDMU i doktar vyšejšaj katehoryi Alena Kiškurna patłumačyła, što ryzyka zaražeńnia hrybkom praz čužy abutak sapraŭdy isnuje. Spory hrybka doŭha zachoŭvajucca ŭ navakolnym asiarodździ, a ciopłyja i vilhotnyja nohi ŭ prakatnych kańkach stvarajuć idealnyja ŭmovy dla infiekcyi.
Škarpetki mohuć istotna źnizić ryzyku zaražeńnia, adnak paśla vykarystańnia čužoha abutku ich treba abaviazkova pamyć. Mienavita tamu ŭ abutkovych kramach pry prymiercy vydajuć adnarazovyja škarpetki — dla biaśpieki klijentaŭ, kab praduchilić pieradaču infiekcyj.
Akramia taho, varta pamiatać, što zvyčajny antysieptyk chłorhieksidzin nie dziejničaje na hrybok. Dla prafiłaktyki i lačeńnia patrebnyja śpiecyjalnyja sprej-srodki z supraćhrybkovymi rečyvami (antymikotyki).
Ciapier čytajuć
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści44
Kaleśnikava: «Mianie šakuje maštab nianaviści i ahresii». Maryja patłumačyła, što dla jaje značyć viartańnie da narmalnaści
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ1010
Kamientary