Ministr lasnoj haspadarki Biełarusi Alaksandr Kulik sustreŭsia z buchhałtarami haliny i zaklikaŭ ich bolš aktyŭna ŭdzielničać u pryniaćci rašeńniaŭ, u tym liku kantralavać dziejańni kiraŭnikoŭ i navat spračacca ź imi, kali bačać niespraviadlivaść.
Asabliva heta datyčycca vypłaty zarobkaŭ rabotnikam lasnoj haliny. Pa słovach Kulika, buchhałtary pavinny zajmać «pryncypovuju pazicyju», kali zaŭvažać parušeńni ŭ apłacie pracy. Jon nazvaŭ hałoŭnaha buchhałtara «akumulataram» prablem i rašeńniaŭ na pradpryjemstvie, ad jakoha zaležyć i psichałahičny klimat u kalektyvie.
Ministr padkreśliŭ, što buchhałtary pavinny staranna kantralavać usie vypłaty, praduhledžanyja zakonam i taryfnymi pahadnieńniami. Heta asabliva važna ŭ situacyi, kali ŭ roznych lashasach zarobki na adnolkavych pasadach mohuć adroźnivacca ŭ dva razy.
Kulik nahadaŭ, što ŭ Biełarusi idzie «baraćba za kadry», i lasnaja halina pavinna imknucca ŭtrymlivać kaštoŭnych śpiecyjalistaŭ. Jon zaklikaŭ:
«Nie maŭčycie, kali kiraŭnik prymaje niespraviadlivaje rašeńnie, asabliva ŭ adnosinach da rabotnikaŭ. Heta treba vypalvać haračym žalezam!»
Na zakančeńnie ministr adznačyŭ: pytańniaŭ zaraz bolš, čym adkazaŭ, i buchhałtary znachodziacca ŭ centry hetych prablem.
U kazinaj fiermy ŭ Buda-Kašaloŭskim rajonie ŭźnikli vialikija prablemy. Sotni žyvioł mohuć zahinuć
«Dušyć prosta za horła pačućcio niespraviadlivaści». U Maładziečnie ahrasiadzibu teraryzuje statak karoŭ
Valfovič upeŭnieny, što savieckaja vajskovaja technika ŭ Biełarusi prasłužyć jašče hadoŭ z 20
Minenierha raskazała, jak ciapier budzie aśviatlać vulicy
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary