MZS vyśviatlaje, ci byli ŭ turystyčnym aŭtobusie, jaki raźbiŭsia ŭ Antalii, biełarusy
Pra heta paviedamiŭ pres‑sakratar źniešniepalityčnaha viedamstva Andrej Savinych.
Pavodle jaho słoŭ, «pradstaŭnikami biełaruskaha konsulstva pravodzicca źvierka pašpartoŭ; biełarusaŭ siarod zahinułych i paciarpiełych niama». «Spadziajemsia, što ich nie budzie i pry dalejšaj praviercy», — adznačyŭ Savinych.
16 rasijskich turystaŭ zahinuli i 25 atrymali traŭmy roznaj stupieni ciažkaści ŭ vyniku avaryi turystyčnaha aŭtobusa 25 maja ŭ Antalii. Avaryja adbyłasia kala 5.30 ranicy miascovaha času ŭ paviecie Aksu, kali aŭtobus z hrupaj rasijskich turystaŭ jechaŭ z kurorta Ałańja z adnadzionnym turam u turystyčny centr Pamukale. Aŭtobus, u jakim jechali turysty z RF, upaŭ u raku. Pavodle papiarednich źviestak palicyi, kiroŭca aŭtobusa zasnuŭ za rulom, i mašyna ŭpała z 15‑mietrovaj vyšyni ŭ raku Aksu.
Ciapier čytajuć
Łukašenka znajšoŭ niezvyčajnyja słovy dla spačuvańnia Chamieniei: «vierałomnaja ataka»7
Kamientary