U Darji Viarenič — srebra ŭ praktykavańni z bułavami.
Biełaruska Darja Viarenič zavajavała druhuju ŭznaharodu na etapie Kubka Jeŭropy pa mastackaj himnastycy, jaki prachodzić u Baku.
U subotu, 2 maja, spartsmienka stała pryziorkaj u praktykavańni z bułavami siarod sienijorak. Jana nabrała 28,350 bała i atrymała srebra, sastupiŭšy tolki izrailciancy Daniele Munic (28,650). Treciaje miesca zaniała italjanka Safija Rafaeli (28,200). Usiaho ŭ hetym vidzie vystupili 52 himnastki. Taksama Viarenič pakazała šosty vynik u praktykavańni sa stužkaj, a napiaredadni zavajavała bronzu ŭ praktykavańni z abručom. Jašče adna biełaruska, Hanna Kamienščykava, zaniała 16‑ie miesca z bułavami i stała dziaviataj sa stužkaj, paviedamlaje BIEŁTA.
Na turniry ŭ Baku prajšli i spabornictvy ŭ novym farmacie — kros-batł siarod junijorak, anałah płej-of u hulniavych vidach sportu. Biełarusački Ksienija Bandarenka i Kira Babkievič spynilisia za krok ad pjedestała: u čverćfinale jany pieramahli tureckich himnastak, ale ŭ paŭfinale sastupili budučym čempijonkam z Rasii. U matčy za bronzu biełaruski prajhrali duetu ź Izraila. Uznaharody ŭ hetaj dyscyplinie ŭ sienijorak buduć razyhrany 3 maja.
19‑hadovaja Darja Viarenič — adna ź pierśpiektyŭnych biełaruskich himnastak, jakaja vystupaje ŭ indyvidualnaj prahramie. Jana rodam z Homiela i ŭvachodzić u nacyjanalnuju zbornuju Biełarusi.
Siarod jaje dasiahnieńniaŭ — miedali etapaŭ Kubka Jeŭropy i stabilnyja vystupleńni na bujnych mižnarodnych startach. Treniery adznačajuć jaje vyraznaść, składanaść prahram i dobruju techniku.
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty21
Kamientary