Para padmanvała mužčyn na sajtach znajomstvaŭ — klunuli 60 čałaviek
21‑hadovy minčuk razam sa svajoj dziaŭčynaj stvaryli biznes na mužčynach. Schiema była pierakanaŭčaj — u ich pastku trapili minimum 60 čałaviek, jakija zamiest sustrečy ź dziaŭčynaj atrymali spustošanyja partmanety.
Maładyja ludzi stvarali fejkavyja ankiety na sajtach znajomstvaŭ, vykarystoŭvajučy čužyja fatahrafii z sacyjalnych sietak i štučny intelekt. Jany prapanoŭvali intymnyja pasłuhi. Kab pierakanać mužčyn u realnaści ankiet, fihuranty hienieravali praz ŠI paviedamleńni-kružočki, na jakich vydumanyja dziaŭčyny źviartalisia da surazmoŭcaŭ.
Kali klijent pahadžaŭsia na sustreču, u jaho patrabavali pieravieści 500 rubloŭ u jakaści «zadatku za biaśpieku».
Paśla atrymańnia pieršaha płaciažu machlary nie spynialisia i vystaŭlali novyja patrabavańni: naprykład, apłatu jašče 500 rubloŭ za daviedku pra zdaroŭje abo inšyja vydumanyja pasłuhi. Kali hrošy pierastavali pastupać, karystalnikaŭ prosta błakavali.
Atrymanyja srodki para vyvodziła za miažu na bankaŭskija karty, aformlenyja na treciuju asobu.
Pakul viadoma pra 60 paciarpiełych, ale pravierka praciahvajecca.
Ciapier čytajuć
Były biełaruski milicyjanier šukaje «parodzistuju pryhažuniu». Nazyvaje siabie miljanieram, a sam sudzicca z byłoj žonkaj za alimienty19
Kamientary