Stratny Aršanski miasakambinat płanujuć dałučyć da paśpiachovaha ahrakambinata «Dziaržynski». Takoje rašeńnie pryniali na naradzie z udziełam Alaksandra Łukašenki i ŭrada, piša Office Life.
Pa słovach Łukašenki, raniejšyja sproby vyvieści pradpryjemstva z kryzisu nie dali vyniku, choć u jaho ŭžo ŭkładali značnyja dziaržaŭnyja srodki. Tamu vyrašyli pieradać kambinat bolš mocnaj struktury. Miarkujecca, što «Dziaržynski» atrymaje patrebnuju jamu syravinnuju bazu i adnačasova budzie zajmacca azdaraŭleńniem prablemnaha zavoda. Pry hetym pakul nie vyznačana, što buduć rabić z zapazyčanaściami pradpryjemstva.
Na toj ža naradzie abmiarkoŭvali i prablemy cemientnaj haliny. Łukašenka raskrytykavaŭ novyja prapanovy ŭrada pa restrukturyzacyi daŭhoŭ, nahadaŭšy, što raniej užo pravodziłasia maštabnaja madernizacyja zavodaŭ za vialikija hrošy, a pahašeńnie zapazyčanaści było raściahnuta da 2049 hoda. Jon adznačyŭ, što, niahledziačy na heta, halina dahetul nie całkam zabiaśpiečvaje ŭnutrany rynak, a cemient na ekspart pradajecca značna tańniej, čym unutry krainy.
Krytyku vyklikała i prapanova finansavaj padtrymki Śvietłahorskaha celułozna-kardonnaha kambinata. Havorka išła pra toje, kab zaličyć jaho płaciažy ŭ fond nacyjanalnaha raźvićcia ŭ košt pahašeńnia kredytaŭ. Adnak, pavodle acenak, častka hetych srodkaŭ isnuje tolki na papiery i nie padmacavana realnymi hrašyma.
U vyniku dakumienty pa hetych pytańniach vyrašyli dapracavać. Urad adznačyŭ, što ŭ najbližejšy čas mohuć być pryniatyja novyja rašeńni, u tym liku bolš sistemnyja padychody da finansavańnia praź dziaržaŭnyja fondy.
Ahrakambinat «Dziaržynski» pahłynuŭ Słucki miasakambinat
Ahrakambinat «Dziaržynski» praciahvaje pašyracca, dałučaje «Minski miasakambinat»
Łukašenka raniej jeŭ nanač kaŭbasu, a ciapier užo nie moža
Za try hady ŭ Biełarusi ŭtraja pavialičyli vytvorčaść indyčaciny
Skandalnyja katlety z hruzinskaj kramy akazalisia sapraŭdy biełaruskimi. «Dziubaŭ, łap i chvastoŭ» unutry nie znajšli
Kamientary
Po faktu: krasivaja cifiŕ bumažnoj otčiotnosti i statistiki, no s płavnym pieriechodom k totalnomu ubytku vsiej strany.
Nazyvajetsia eto - projedanijem zadieła pokolenija diedov i otcov i projedanijem buduŝich, i buduŝieho, pokolenii dietiej i vnukov.
Łukašu i łukašistam hłavnoje siehodnia chapnuť i rastianuť chapanije na stolko, na skolko eto vozmožno, a potom, pośle łukaša i łukašistov, - choť potop...
Bolšiej hadosti ja nie probovał, čiem "produkcija" etoho pradpryjemstva!