Kali pakiety dla ŭpakoŭki ŭ kramie biaspłatnyja, to ich možna brać u luboj kolkaści? Tłumačyć juryst
Jurystka Darja Chatkievič patłumačyła vydańniu «Minskaja praŭda», što biaspłatnyja pakiety ŭ supiermarkietach pryznačanyja tolki dla ŭpakoŭki tavaraŭ. Ich vydača rehulujecca zakonam, i heta nie značyć, što čałaviek moža zabirać ich biez abmiežavańniaŭ.
Pavodle pravił handlu, kramy abaviazanyja biaspłatna ŭpakoŭvać niekatoryja tavary — naprykład, vahavyja pradukty, chleb paśla narezki abo pradukcyju ŭłasnaj vytvorčaści. Pry hetym sama krama vyznačaje, u jakoj mienavita ŭpakoŭcy vydavać tavar — heta moža być pakiet, papiera abo płastykavaja tara.
Kali čałaviek biare pakiety ŭ praźmiernaj kolkaści — naprykład, niekalki rułonaŭ abo vialiki zapas dla chatnich patreb — heta mohuć rascanić jak drobny kradziež.
Kali suma škody nievialikaja i nie pieravyšaje dziesiaci bazavych vieličyń, moža nastupić administracyjnaja adkaznaść. Jana praduhledžvaje štraf da 30 bazavych vieličyń, hramadskija raboty abo administracyjny aryšt. Zaraz adna bazavaja vieličynia składaje 45 rubloŭ, tamu maksimalny štraf moža dasiahać 1350 rubloŭ.
Kali ž suma pieravyšaje 10 bazavych vieličyń, sprava moža pierajści ŭžo ŭ kryminalnuju płoskaść jak kradziež. U takim vypadku mahčyma pakarańnie až da troch hadoŭ pazbaŭleńnia voli.
Asobna jurystka adznačyła, što kali čałavieka zaŭvažyli supracoŭniki kramy abo achova, a jon sprabuje ŭciačy z tavaram, dziejańni mohuć kvalifikavać užo jak rabavańnie, za jakoje pahražaje jašče bolš surjoznaje pakarańnie — da čatyroch hadoŭ turmy.
Adkaznaść za drobny kradziež u Biełarusi nastupaje z 14 hadoŭ.
«U śniežni vydatkavała na ježu 115 rubloŭ». Jak biełarusy ekanomiać u kramach
Sumki z halštukaŭ i zaplečniki z pakunkaŭ ad čypsaŭ Lays — top biełaruskich majstroŭ, jakija robiać apsajklinh-rečy
Minčuku ŭ zamovu z fastfudu pakłali kubak, ź jakoha niechta piŭ užo
Bulbina, tonki skrylok kaŭbasy — i ŭsio? Što možna nabyć na abied ci viačeru za adzin rubiel, kab pierakusić
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary