Калі пакеты для ўпакоўкі ў краме бясплатныя, то іх можна браць у любой колькасці? Тлумачыць юрыст
Юрыстка Дар’я Хаткевіч патлумачыла выданню «Мінская праўда», што бясплатныя пакеты ў супермаркетах прызначаныя толькі для ўпакоўкі тавараў. Іх выдача рэгулюецца законам, і гэта не значыць, што чалавек можа забіраць іх без абмежаванняў.
Паводле правіл гандлю, крамы абавязаныя бясплатна ўпакоўваць некаторыя тавары — напрыклад, вагавыя прадукты, хлеб пасля нарэзкі або прадукцыю ўласнай вытворчасці. Пры гэтым сама крама вызначае, у якой менавіта ўпакоўцы выдаваць тавар — гэта можа быць пакет, папера або пластыкавая тара.
Калі чалавек бярэ пакеты ў празмернай колькасці — напрыклад, некалькі рулонаў або вялікі запас для хатніх патрэб — гэта могуць расцаніць як дробны крадзеж.
Калі сума шкоды невялікая і не перавышае дзесяці базавых велічынь, можа наступіць адміністрацыйная адказнасць. Яна прадугледжвае штраф да 30 базавых велічынь, грамадскія работы або адміністрацыйны арышт. Зараз адна базавая велічыня складае 45 рублёў, таму максімальны штраф можа дасягаць 1350 рублёў.
Калі ж сума перавышае 10 базавых велічынь, справа можа перайсці ўжо ў крымінальную плоскасць як крадзеж. У такім выпадку магчыма пакаранне аж да трох гадоў пазбаўлення волі.
Асобна юрыстка адзначыла, што калі чалавека заўважылі супрацоўнікі крамы або ахова, а ён спрабуе ўцячы з таварам, дзеянні могуць кваліфікаваць ужо як рабаванне, за якое пагражае яшчэ больш сур’ёзнае пакаранне — да чатырох гадоў турмы.
Адказнасць за дробны крадзеж у Беларусі наступае з 14 гадоў.
«У снежні выдаткавала на ежу 115 рублёў». Як беларусы эканомяць у крамах
Сумкі з гальштукаў і заплечнікі з пакункаў ад чыпсаў Lays — топ беларускіх майстроў, якія робяць апсайклінг-рэчы
Мінчуку ў замову з фастфуду паклалі кубак, з якога нехта піў ужо
Бульбіна, тонкі скрылёк каўбасы — і ўсё? Што можна набыць на абед ці вячэру за адзін рубель, каб перакусіць
Цяпер чытаюць
«Дагэтуль задаюся пытаннем, чым Пратасевіч мяне зачараваў». Вялікае інтэрв'ю Соф'і Сапегі — частка другая6
Каментары