Urad rezka pavialičyŭ vyvaznyja myty na naftapradukty. Rost bolš čym u 25 razoŭ
U Biełarusi rezka pavialičyli vyvaznyja myty na niekatoryja naftapradukty. Adpaviednuju pastanovu padpisaŭ premjer-ministr Alaksandr Turčyn, jana apublikavanaja na Nacyjanalnym pravavym partale.
Pavodle novaha rašeńnia, myta na vyvaz zvadkavanych hazaŭ vyrasła bolš jak u 25 razoŭ — z 5,2 da 131,6 dalara za tonu. Dla etanu, butanu i izabutanu staŭka taksama značna pavialičyłasia — z 4,6 da 118,4 dalara za tonu. Novyja praviły pačali dziejničać z 1 maja, choć sam dakumient uchvalili 7 maja.
Da krasavika 2026 hoda ŭ Biełarusi ŭvohule nie było vyvaznych mytaŭ na naftapradukty. Ich viarnuli ŭ siaredzinie krasavika, a ciapier istotna padniali staŭki.
Takija miery ŭłady zvyčajna vykarystoŭvajuć, kab abmiežavać ekspart i padtrymać unutrany rynak. Kali myty vysokija, kampanijam stanovicca mienš vyhadna pradavać paliva za miažu, tamu jany bolš pastaŭlajuć jaho ŭnutry krainy. Heta moža dapamahčy paźbiehnuć deficytu i strymać rost cenaŭ na bienzin i dyziel.
U hetym kankretnym vypadku, adnak, taki niečakany i ŭ niečym navat šakavalny krok tłumačycca tym, što Biełaruś unifikavała svaje ŭłasnyja vyvaznyja myty z rasijskimi, jakija, u adroźnieńnie ad biełaruskich, nie tolki isnavali, ale i byli vysokimi.
Kamientary