Detali pahadnieńnia jašče treba ŭzhadnić, i pakul niezrazumieła, jaki kantrol Iran zachavaje nad pralivam.
Pry hetym vajenny daradca viarchoŭnaha lidara Irana Madžtaby Chamieniei, jakoha cytujuć iranskija ahienctvy, zajaviŭ, što isłamskaja respublika maje «zakonnaje prava» kiravać pralivam.
Dniom raniej troje vysokapastaŭlenych iranskich čynoŭnikaŭ paviedamili The New York Times, što Iran pahadziŭsia na miemarandum ab uzajemarazumieńni, jaki praduhledžvaje adnaŭleńnie sudnachodstva praz praliŭ. Uzamien, pavodle ich słoŭ, ZŠA zdymuć svaju vajenna-marskuju błakadu iranskich partoŭ. Pahadnieńnie taksama praduhledžvaje spynieńnie bajavych dziejańniaŭ na ŭsich napramkach, u tym liku ŭ Livanie, dadali krynicy.
Pavodle krynicy The Washington Post, havorka idzie pra ramkavy miemarandum ab uzajemarazumieńni, jaki praduhledžvaje praciah režymu spynieńnia ahniu na 60 dzion, pakul baki pracujuć nad «kančatkovaj ździełkaj».
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu20
Kamientary