Kit Kiełah: Kali Łukašenka ŭstupić u vajnu z Ukrainaj — heta budzie jaho kaniec
Vystupajučy na Čarnamorskim forumie pa biaśpiecy ŭ Adesie, kolišni śpiecpasłańnik prezidenta ZŠA va Ukrainie hienierał Kit Kiełah adznačyŭ, što dla Łukašenki dazvoł na maštabnuju ataku z terytoryi Biełarusi staŭ by «nierazumnym rašeńniem» i moh by mieć surjoznyja nastupstvy dla jaho ŭłady.
«Kali Łukašenka niešta takoje zrobić, heta budzie kaniec Łukašenki, jakim my jaho viedajem, tamu što jon nie moža spaborničać z armijaj Ukrainy», — zajaviŭ Kiełah.
U toj ža čas hienierał adznačyŭ, što na hety momant jon nie bačyć prykmiet hatoŭnaści Minska da takoha scenaryja.
Akramia taho, Kit Kiełah vielmi pazityŭna vykazaŭsia pra ŭkrainskuju armiju i dziaržavu:
«Kali my hladzim na toje, što robić Ukraina na ŭzroŭni armii — heta samaja mocnaja armija ŭ Jeŭropie, adna z samych mocnych u śviecie adpaviedna z vopytam i vykarystańniem technałohij».
Pavodle jaho słoŭ, jeŭrapiejskija krainy ŭsio bolš uśviedamlajuć rolu Ukrainy ŭ budučaj sistemie biaśpieki kantynienta.
«Ukraina ŭ budučyni budzie vielmi mocnaj dziaržavaj i važnym hulcom na jeŭrapiejskaj arenie», — padkreśliŭ hienierał.
Kiełah taksama adznačyŭ, što ŭ ZŠA bačać patencyjał Ukrainy jak budučaha jeŭrapiejskaha lidara.
Daradca Minabarony Ukrainy: Hłabalnaje ŭvarvańnie farmatu 2022 hoda ŭžo nie paŭtorycca
«Pieršyja 500 celaŭ užo na ałoŭku». Kamandujučy Siłami bieśpiłotnych sistem USU papiaredziŭ Łukašenku
USU: Ukrainska-biełaruskuju miažu pieratvaryli ŭ nieprystupnuju krepaść FOTY
Zialenski: Maskva sprabuje ŭciahnuć Minsk u vajnu suprać Ukrainy albo apieracyju suprać krainy NATA
Ciapier čytajuć
«Kali šandarachnie pa ciahniku, chto budzie lidaram demsił?» Dva dni z delehacyjaj Cichanoŭskaj u Kijevie — što zastałosia za kadram27
Kamientary