Łatvija budzie bajkatavać matč ź Biełaruśsiu na junackim čempijanacie śvietu pa chakiei
Junijorskaja zbornaja Łatvii pa chakiei nie budzie hulać suprać nacyjanalnaj zbornaj Biełarusi na čempijanacie śvietu 2027 hoda ŭ ZŠA, piša «Biełaruski chakiej».
— Łatvijskaja chakiejnaja fiederacyja płanuje ŭdzieł u turniry, ale nie płanuje pravodzić matčy suprać zbornaj Biełarusi, — skazaŭ hienieralnay sakratar ŁCHF Robierts Plaviejs.
U Łatvii i Litvie na zakanadaŭčym uzroŭni dziejničaje zabarona na praviadzieńnie matčaŭ z Rasijaj i Biełaruśsiu ŭ kamandnych vidach sportu.
Raniej Mižnarodnaja fiederacyja chakieju viarnuła zbornuju Biełarusi U-18 (uzrost hulcoŭ da 18 hadoŭ) u lik udzielnikaŭ čempijanatu śvietu.
Na čempijanacie śvietu 2027 hoda ŭ Dułucie (štat Miniesota) Łatvija i Biełaruś zhulajuć u roznych hrupach. Adnak jany mohuć sustrecca ŭ płej-of abo ŭ matčy za zachavańnie miesca ŭ top-dyvizijonie.
Učora Litva admoviłasia ad udziełu ŭ žanočym junijorskim čempijanacie śvietu ŭ 2027 hodzie ŭ trecim dyvizijonie ŭ suviazi z debiutam zbornaj Biełarusi.
Nahadajem, što biełaruskija chakieisty znachodzilisia ŭ chakiejnym banie razam z rasijskim chakiejem z pačatkam poŭnamaštabnaj vajny suprać Ukrainy ź lutaha 2022 hoda. Naprykład, «darosłyja» chakieisty prapuścili piać čempijanataŭ śvietu, a taksama kvalifikacyju na Alimpijadu-2026. U čaćvier Mižnarodnaja fiederacyja chakieja dapuściła da mižnarodnych spabornctvaŭ žanočy chakiej i junijorski. Nacyjanalnaja i moładzievyja mužčynskija zbornyja pakul pa-za spabornictvami.
Ciapier čytajuć
«Kali šandarachnie pa ciahniku, chto budzie lidaram demsił?» Dva dni z delehacyjaj Cichanoŭskaj u Kijevie — što zastałosia za kadram18
Kamientary