Razmova była siabroŭskaja.
Archiŭnaje fota 2018 hoda, fota Getty Images
Prezident Rasii Uładzimir Pucin sustreŭsia tet-a-tet z byłym kancleram Hiermanii Hierchardam Šroderam, paviedamiŭ «Interfaksu» pamočnik prezidenta Rasii Juryj Ušakoŭ.
«Tak, sustrakaŭsia, dobraja była razmova», — skazaŭ Ušakoŭ. Pry hetym na ŭdakładnialnaje pytańnie, ci abmiarkoŭvalisia niejkija pierśpiektyvy pieramovaŭ pamiž Rasijaj i ES, jon adkazaŭ: «Nie viedaju, razmova była tet-a-tet».
«Razmova była siabroŭskaja, jana prachodziła ŭ farmacie tet-a-tet, adzin na adzin. Padrabiaznaściaŭ ja, ščyra kažučy, nie viedaju. Jana adbyłasia ŭ Maskvie, u Kramli», — skazaŭ Ušakoŭ žurnalistam.
Raniej rasijskija ŭłady nazyvali Šrodera svaim kandydatam na pasiarednika ad ES na mahčymych pieramovach Rasii i Ukrainy.
Kamientary