Размова была сяброўская.
Архіўнае фота 2018 года, фота Getty Images
Прэзідэнт Расіі Уладзімір Пуцін сустрэўся тэт-а-тэт з былым канцлерам Германіі Герхардам Шродэрам, паведаміў «Інтэрфаксу» памочнік прэзідэнта Расіі Юрый Ушакоў.
«Так, сустракаўся, добрая была размова», — сказаў Ушакоў. Пры гэтым на ўдакладняльнае пытанне, ці абмяркоўваліся нейкія перспектывы перамоваў паміж Расіяй і ЕС, ён адказаў: «Не ведаю, размова была тэт-а-тэт».
«Размова была сяброўская, яна праходзіла ў фармаце тэт-а-тэт, адзін на адзін. Падрабязнасцяў я, шчыра кажучы, не ведаю. Яна адбылася ў Маскве, у Крамлі», — сказаў Ушакоў журналістам.
Раней расійскія ўлады называлі Шродэра сваім кандыдатам на пасярэдніка ад ЕС на магчымых перамовах Расіі і Украіны.
Цяпер чытаюць
«Больш за 10 чалавек выехалі ў Еўропу — і гэта толькі з майго аддзялення». Рэаніматолаг з райцэнтра шчыра апісаў будні беларускай медыцыны17
Каментары