Rasija buduje kala miežaŭ z Narviehijaj, Finlandyjaj i krainami Bałtyi vajskovyja bazy na 115 tysiač sałdat
Rasija praciahvaje maštabnaje pašyreńnie vajskovaj infrastruktury pablizu miežaŭ Narviehii, Finlandyi i krain Bałtyi. Pavodle rasśledavańnia skandynaŭskich i estonskich žurnalistaŭ, na šerahu vajskovych abjektaŭ źjaŭlajucca novyja kazarmy dla asabovaha składu, štabnyja budynki, anhary dla techniki, ramontnyja zony i składy dla ŭzbrajeńnia i bojeprypasaŭ, piša The Moscow Times.
Analityki vyvučyli spadarožnikavyja zdymki 19 rasijskich vajskovych abjektaŭ u rehijonie. Na 16 ź ich za apošni hod byli zaŭvažanyja prykmiety aktyŭnaha budaŭnictva abo pašyreńnia. Asablivaja ŭvaha nadajecca terytoryjam kala miežaŭ z Narviehijaj i Finlandyjaj, a taksama Kalininhradskaj vobłaści.
Pavodle acenak šviedskaj vajskovaj raźviedki Must, Rasija stvaraje infrastrukturu, jakaja paśla zaviaršeńnia vajny va Ukrainie moža być chutka zapoŭnienaja vajskoŭcami. Miarkujecca, što kolkaść rasijskich sił u hetym kirunku moža pavialičycca ź ciapierašnich kala 20 tysiač da 80—115 tysiač čałaviek.
Były namieśnik vajskovaha ataše Finlandyi ŭ Maskvie Marka Ekłund adznačaje, što tolki ŭ Piečanzie Murmanskaj vobłaści, niedaloka ad narviežskaj miažy, kolkaść vajskoŭcaŭ moža ŭzraści prykładna z 7 da 17 tysiač čałaviek.
Pavodle acenak ekśpiertaŭ, adnoj z mahčymych krynic papaŭnieńnia novych padraździaleńniaŭ mohuć stać vajskoŭcy, jakija ciapier udzielničajuć u bajavych dziejańniach va Ukrainie, a paśla ich zaviaršeńnia mohuć zastacca na słužbie i być pieramieščanyja ŭ novyja harnizony.
Kamandavańnie NATA ŭ Bałtyjskim rehijonie adznačaje, što pakul Rasija zasiarodžanaja na vajnie va Ukrainie, maštabnaja pahroza dla krain aljansu zastajecca abmiežavanaj. Adnak paśla spynieńnia bajavych dziejańniaŭ, pavodle ich acenak, situacyja moža źmianicca davoli chutka, tamu krainy rehijona praciahvajuć sačyć za raźvićciom vajskovaj infrastruktury na rasijskim baku miažy.
Ukraina stvaraje tannuju alternatyvu rakietam Patriot. Ale vypusk mahčymy, tolki kali padklučacca Francyja, Italija i Narviehija
«Ukraina nie prajhraje, Rasija nie pieramahaje». En Epłbaum pra pierałom u vajnie, jaki mianiaje ŭsio
Prezident Finlandyi nie vieryć, što Pucin napadzie na Jeŭropu, i zaklikaje da pieramoŭ
Kiraŭnik MZS Ukrainy: Rasii ŭsio adno daviadziecca skončyć vajnu dypłamatyčnym šlacham, ale ŭmovy buduć horšyja
Ciapier čytajuć
Maładuju biełarusku pratrymali ŭ rasijskim SIZA amal 4 hady i apraŭdali. A kampiensacyju dali takuju, nibyta ŭ tvar plunuli6
Kamientary