Расія будуе каля межаў з Нарвегіяй, Фінляндыяй і краінамі Балтыі вайсковыя базы на 115 тысяч салдат
Расія працягвае маштабнае пашырэнне вайсковай інфраструктуры паблізу межаў Нарвегіі, Фінляндыі і краін Балтыі. Паводле расследавання скандынаўскіх і эстонскіх журналістаў, на шэрагу вайсковых аб’ектаў з’яўляюцца новыя казармы для асабовага складу, штабныя будынкі, ангары для тэхнікі, рамонтныя зоны і склады для ўзбраення і боепрыпасаў, піша The Moscow Times.
Аналітыкі вывучылі спадарожнікавыя здымкі 19 расійскіх вайсковых аб’ектаў у рэгіёне. На 16 з іх за апошні год былі заўважаныя прыкметы актыўнага будаўніцтва або пашырэння. Асаблівая ўвага надаецца тэрыторыям каля межаў з Нарвегіяй і Фінляндыяй, а таксама Калінінградскай вобласці.
Паводле ацэнак шведскай вайсковай разведкі Must, Расія стварае інфраструктуру, якая пасля завяршэння вайны ва Украіне можа быць хутка запоўненая вайскоўцамі. Мяркуецца, што колькасць расійскіх сіл у гэтым кірунку можа павялічыцца з цяперашніх каля 20 тысяч да 80—115 тысяч чалавек.
Былы намеснік вайсковага аташэ Фінляндыі ў Маскве Марка Эклунд адзначае, што толькі ў Печанзе Мурманскай вобласці, недалёка ад нарвежскай мяжы, колькасць вайскоўцаў можа ўзрасці прыкладна з 7 да 17 тысяч чалавек.
Паводле ацэнак экспертаў, адной з магчымых крыніц папаўнення новых падраздзяленняў могуць стаць вайскоўцы, якія цяпер удзельнічаюць у баявых дзеяннях ва Украіне, а пасля іх завяршэння могуць застацца на службе і быць перамешчаныя ў новыя гарнізоны.
Камандаванне НАТА ў Балтыйскім рэгіёне адзначае, што пакуль Расія засяроджаная на вайне ва Украіне, маштабная пагроза для краін альянсу застаецца абмежаванай. Аднак пасля спынення баявых дзеянняў, паводле іх ацэнак, сітуацыя можа змяніцца даволі хутка, таму краіны рэгіёна працягваюць сачыць за развіццём вайсковай інфраструктуры на расійскім баку мяжы.
Украіна стварае танную альтэрнатыву ракетам Patriot. Але выпуск магчымы, толькі калі падключацца Францыя, Італія і Нарвегія
«Украіна не прайграе, Расія не перамагае». Эн Эплбаум пра пералом у вайне, які мяняе ўсё
Прэзідэнт Фінляндыі не верыць, што Пуцін нападзе на Еўропу, і заклікае да перамоў
Кіраўнік МЗС Украіны: Расіі ўсё адно давядзецца скончыць вайну дыпламатычным шляхам, але ўмовы будуць горшыя
Каментары