U ZŠA ŭziali na pracu robakopa. A praz hod zvolnili, bo jon ničoha nie rabiŭ
Robat musiŭ zmahacca z parušeńniami, ale nijakich vynikaŭ nie pakazaŭ.
Palicejskaje ŭpraŭleńnie amierykanskaha Dablina, što ŭ štacie Ahajo, zvolniła z pracy robata-palicejskaha DubBot K5. Jon ličyŭsia štatnym supracoŭnikam hod, ale za hety čas ničym nie dapamoh kaleham.
DubBot — heta adzin z aŭtanomnych achoŭnych robataŭ K5 ad kampanii Knightscope. Jon pačaŭ patrulavać šmatuzroŭnievuju parkoŭku Rock Cress u Dablinie ź lipienia 2025 hoda. DubBot byŭ abstalavany kamierami kruhavoha ahladu, mahčymaściami dvuchbakovaj suviazi i knopkaj vykliku dla zvanka ŭ ekstrannyja słužby.
Pres-sakratarka ŭpraŭleńnia palicyi Dablina Robin Hrej raskazała, što robakop mieŭ na mecie praduchilać złačynstvy, padtrymlivać palicejskija apieracyi, pavyšać efiektyŭnaść reahavańnia na nadzvyčajnyja situacyi ŭ horadzie i dapamahać u miescach z vysokaj prachodnaściu.
Robat abyšoŭsia horadu bolš čym u 67 tysiač dołaraŭ. Adnak jaho patrulavańnie nie pryviało ni da adnaho aryštu, kryminalnaj spravy ci navat štrafu. Akramia taho, padčas patrulavańnia DubBot nie zafiksavaŭ nivodnaha incydentu, jaki b zapatrabavaŭ umiašańnia palicyi.
Spačatku horad płanavaŭ zapłacić kampanii bolš za 238 tysiač dołaraŭ za razhortvańnie dvuch robataŭ-palicejskich na dva hady. Druhoha robata, jaki pryznačaŭsia dla parku Ryviersajd-Krosinh, tak i nie ŭkaranili. Kampanii spatrebiłasia bolš času dla raspracoŭki druhoha DubBot, a ŭ parku nie było nieabchodnaj infrastruktury.
Za pieršy hod dziejańnia pahadnieńnia Dablin patraciŭ 128 tysiač, ale raźličvaŭ atrymać ad Knightscope kampiensacyju na 60 tysiač, što źniziła b vydatki horadu.
Ciapier čytajuć
Biełaruskuju movu na CT vybiraje ŭsio mienšaja dola vypusknikoŭ škoł. Kali 20 hadoŭ tamu jaje zdavała amal pałova, ciapier — tolki kožny šosty5
Kamientary
Dyk voś - hety Dublin jość bahatym pryharadam Kałambusa, dzie 90% - biełyja i azijaty ź miedyjannym zarobkam u 2.5 razy vyšej za horad.
Pastaŭ jaho na poŭdni ad centra hetaha Kałambusa - i jon albo pačnie identyfikavact złačyncaŭ, albo jaho sa skandałam zdymuć sa słužby jak rasista.