У ЗША ўзялі на працу робакопа. А праз год звольнілі, бо ён нічога не рабіў
Робат мусіў змагацца з парушэннямі, але ніякіх вынікаў не паказаў.
Паліцэйскае ўпраўленне амерыканскага Дабліна, што ў штаце Агаё, звольніла з працы робата-паліцэйскага DubBot K5. Ён лічыўся штатным супрацоўнікам год, але за гэты час нічым не дапамог калегам.
DubBot — гэта адзін з аўтаномных ахоўных робатаў K5 ад кампаніі Knightscope. Ён пачаў патруляваць шматузроўневую паркоўку Rock Cress у Дабліне з ліпеня 2025 года. DubBot быў абсталяваны камерамі кругавога агляду, магчымасцямі двухбаковай сувязі і кнопкай выкліку для званка ў экстранныя службы.
Прэс-сакратарка ўпраўлення паліцыі Дабліна Робін Грэй расказала, што робакоп меў на мэце прадухіляць злачынствы, падтрымліваць паліцэйскія аперацыі, павышаць эфектыўнасць рэагавання на надзвычайныя сітуацыі ў горадзе і дапамагаць у месцах з высокай праходнасцю.
Робат абышоўся гораду больш чым у 67 тысяч долараў. Аднак яго патруляванне не прывяло ні да аднаго арышту, крымінальнай справы ці нават штрафу. Акрамя таго, падчас патрулявання DubBot не зафіксаваў ніводнага інцыдэнту, які б запатрабаваў умяшання паліцыі.
Спачатку горад планаваў заплаціць кампаніі больш за 238 тысяч долараў за разгортванне двух робатаў-паліцэйскіх на два гады. Другога робата, які прызначаўся для парку Рыверсайд-Кросінг, так і не ўкаранілі. Кампаніі спатрэбілася больш часу для распрацоўкі другога DubBot, а ў парку не было неабходнай інфраструктуры.
За першы год дзеяння пагаднення Даблін патраціў 128 тысяч, але разлічваў атрымаць ад Knightscope кампенсацыю на 60 тысяч, што знізіла б выдаткі гораду.
Цяпер чытаюць
Беларус-грузчык, які стаў асабістым памочнікам і даверанай асобай кіраўніка расійскага Сбербанка Германа Грэфа, сапраўды існуе4
Каментары
Дык вось - гэты Дублін ёсць багатым прыгарадам Каламбуса, дзе 90% - белыя і азіяты з медыянным заробкам у 2.5 разы вышэй за горад.
Пастаў яго на поўдні ад цэнтра гэтага Каламбуса - і ён альбо пачне ідэнтыфікавацт злачынцаў, альбо яго са скандалам здымуць са службы як расіста.