Padrychtoŭka da raźmiaščeńnia niamieckaj bryhady ŭ Litvie idzie pa płanie
Bundeśvier praciahvaje pierakidvać vojski ŭ Litvu dla abarony ŭschodniaha fłanha NATA. Usiaho tam da kanca 2027 hoda płanujecca raźmiaścić na pastajannaj asnovie amal piać tysiač niamieckich vajskoŭcaŭ, piša BILD.
Ministr abarony Litvy Robiertas Kaŭnas kaža, što padrychtoŭka idzie navat z apiaredžańniem hrafika. Na miescy hustoha lesu źjaŭlajucca novyja žyłyja damy, škoły, dziciačyja sadki i miedycynskija ŭstanovy.
«Pry farmavańni niamieckaj bryhady ŭsio idzie pa płanie. Što tyčycca pieršaj fazy budaŭnictva, my navat na dziesiać miesiacaŭ apiaredžvajem płan. Heta aznačaje, što my vielmi daloka prasunulisia ŭ stvareńni infrastruktury i možam raniej pačać druhuju fazu. […] My možam zychodzić z taho, što Hiermanija i Litva ŭ lubym vypadku buduć hatovyja da kanca 2027 hoda, kali nie raniej. Bryhada budzie całkam abstalavanaja i hatovaja», — skazaŭ Kaŭnas haziecie WELT.
Dla strymlivańnia na ŭschodnim fłanhu NATA hetaja bryhada pad kamandavańniem hienierała Kryścijana Chubiera «nadzvyčaj važnaja», zajaviŭ Kaŭnas. Jaje raźmiaščeńnie jon nazyvaje «viachoj dla hiermana-litoŭskich adnosin».
U Litvie ŭžo raźmieščana kala 1800 niamieckich vajskoŭcaŭ. U hetym miesiacy jany pravodziać vučeńni ŭ Pabradzie, usiaho za 20 kiłamietraŭ ad biełaruskaj miažy. 45‑ia tankavaja bryhada na hetych vučeńniach pad nazvaj Freedom Shield («Ščyt svabody») uzajemadziejničaje z 203‑m tankavym bataljonam z Aŭhustdorfa i častkami 122‑ha motapiachotnaha bataljona z Obierfichtacha. Abodva bataljony pavinny ŭ nastupnym hodzie pierajechać v Litvu.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu144144
Kamientary