«Ja ŭsio bolš bajusia. Samaloty Tornado latajuć nad Hamburham i vydajuć žudasny šum… U mianie na kuchni ŭsio dryžyć…»
Zasnavalnik i aŭtar muzyki j tekstaŭ Modern Talking staŭ hościem niamieckamoŭnaha padkasta «Hopf & Kettner», dzie zajaviŭ, što nie žadaje pieramohi Ukrainy, pakolki, na jaho dumku, Uładzimir Pucin nie zmoža tak prosta prajhrać. Pavodle słoŭ Bolena, pieramoha Ukrainy była b najhoršym scenaryjem raźvićcia padziej, piša Delfi.lv.
«Ja ŭsio bolš bajusia. Samaloty Tornado latajuć nad Hamburham i vydajuć žudasny šum… U mianie na kuchni ŭsio dryžyć… A samy papularny palityk Hiermanii, ministr abarony Barys Pistoryus, staić razam z ukrainskimi vytvorcami zbroi i śviatkuje stvareńnie sumiesnych pradpryjemstvaŭ. Nie viedaju, ci heta pravilna».
Jon taksama zajaviŭ: «Raniej usie havaryli pra mir, a ciapier havorać pra vajnu».
Na dumku Bolena, niamieckija ŭłady niapravilna aceńvajuć situacyju. «I ministr finansaŭ uvieś čas užyvaje słova «vajna», kali havoryć pra Ukrainu, śćviardžajučy, što jana pieramoža Rasiju… I ja dumaju: jany što, nie viedajuć historyju?»
Muzyka raskazaŭ pra svaje telefonnyja razmovy z palitykam Frydrycham Miercam: «Ja zaŭvažyŭ, što jon ćviorda vieryć u zdolnaść Ukrainy pieramahčy. Ale jon nie robić nijakich vysnoŭ, što budzie dalej. Jany dumajuć, što Rasija i Pucin z hetym pahodziacca? Nie. U ich jość sotni jadziernych bombaŭ, kožnaja ź jakich amal zdolnaja źniščyć Hiermaniju». Pry hetym Bolen nie zhadaŭ pryčyny vajny, rasijskaje ŭvarvańnie va Ukrainu i ŭdary pa ŭkrainskich haradach. Pavodle jaho słoŭ, rasijskaje kiraŭnictva nie źmirycca z parazaj i moža ŭžyć jadziernuju zbroju. «Heta byŭ by horšy scenar. Kali Ukraina pieramoža, heta, vierahodna, pryviadzie da suśvietnaj vajny».
Adnačasova jon zajaviŭ, što Hiermanii niama čaho bajacca z boku Rasii.
«U Rasii stolki terytoryi, što jany nie viedajuć, što ź joj rabić. A ludzi dumajuć, što jany pryjduć siudy… Ale tut, u Hiermanii, ničoha niama, nijakich pryrodnych resursaŭ. Što jany chočuć rabić z Hiermanijaj? Heta biessensoŭna».
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha9
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100100
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu100
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary