U raźliku na dušu nasielnictva vałavy źniešni doŭh na 1 krasavika skłaŭ 2 tys. 348 dalaraŭ ZŠA.
Vałavy źniešni doŭh Biełarusi pavialičyŭsia za studzień—sakavik 2010 hoda na 183,2 młn. dalaraŭ ZŠA, abo 0,8%, i na 1 krasavika skłaŭ 22 młrd. 243,5 młn. dalaraŭ ZŠA.
Jak paviedamili BiełaPAN u Nacyjanalnym banku, u raźliku na dušu nasielnictva vałavy źniešni doŭh na 1 krasavika skłaŭ 2 tys. 348 dalaraŭ ZŠA ŭ paraŭnańni z 2 tys. 327 dalarami ZŠA na pačatak hoda.
Pry hetym źniešni doŭh orhanaŭ dziaržkiravańnia za pieršy kvartał źniziŭsia na 32,6 młn. dalaraŭ, abo 0,7%, i skłaŭ 4 młrd. 891,5 młn. dalaraŭ.
Źniešni doŭh orhanaŭ hrašova‑kredytnaha rehulavańnia na 1 krasavika dasiahnuŭ 4 młrd. 493,4 młn. dalaraŭ, pavialičyŭšysia z pačatku hoda na 630,8 młn. dalaraŭ (16,3%).
Zapazyčanaść kamiercyjnych bankaŭ źniziłasia na 65,8 młn. dalaraŭ (1,8%) i na 1 krasavika skłała 3 młrd. 487,2 młn. dalaraŭ.
Źniešni doŭh inšych siektaraŭ ekanomiki skłaŭ 8 młrd. 592,4 młn. dalaraŭ, źniziŭšysia za kvartał na 329,4 młn. dalaraŭ (3,7%).
Pramyja inviestycyi (mižfirmiennaje kredytavańnie) źnizilisia za studzień—sakavik na 19,8 młn. dalaraŭ ZŠA, abo 2,5%, da 779 młn. dalaraŭ na 1 krasavika 2010 hoda.
Na absłuhoŭvańnie źniešniaha doŭhu ŭ pieršym kvartale było nakiravana 1 młrd. 730 młn. dalaraŭ (15,7% VUP, abo 27,7% ekspartu tavaraŭ i pasłuh). Sa zhadanaj sumy 1 młrd. 590,2 młn. dalaraŭ skłali vypłaty pa asnoŭnym doŭhu, a 140,1 młn. dalaraŭ — płaciažy pa pracentach.
Nahadajem,
za 2009 hod vałavy źniešni doŭh Biełarusi pavialičyŭsia na 6 młrd. 875,8 młn. dalaraŭ ZŠA, abo 45,4%, i na 1 studzienia 2010 hoda skłaŭ 22 młrd. 29,9 młn. dalaraŭ ZŠA.
Vałavy źniešni doŭh Biełarusi ŭjaŭlaje saboju niavypłačanuju sumu faktyčnych najaŭnych i nieabumoŭlenych abaviazacielstvaŭ, jakaja patrabuje vypłaty asnoŭnaha doŭhu i/abo pracentaŭ debitoram u budučy pieryjad času i ŭjaŭlaje saboju abaviazacielstvy rezidentaŭ Biełarusi pierad nierezidentami.
Kamientary