Šmatdzietnuju maci z-pad Minska, jakaja ładziła dziciačyja śviaty, asudzili za palityku
Na 33‑hadovuju Elviru Iljinu, maci troch dačok i ŭładalnicu ivent-ahienctva, zaviali kryminalnuju spravu. Žančynu sudzili za «sadziejničańnie ekstremisckaj dziejnaści».
Elvira Iljina naradziłasia ŭ 1992 hodzie, žyvie ŭ ahraharadku Samachvałavičy Minskaha rajona.
Z mužam jany vychoŭvajuć troch dačok, jakich u svaich sacsietkach z humaram jana nazyvaje to «pryncesami», to «cmokami», adznačajučy, što ź imi kožny dzień pieratvarajecca ŭ viasiołuju varjatniu.
Jak minimum z 2018 hoda žančyna pracavała jak indyvidualny pradprymalnik i viała ŭłasny biznes. Elvira kiravała Event Agency Imbir: zajmałasia arhanizacyjaj i dekoram śviataŭ luboj składanaści, stvareńniem fotazon i kendzi-baraŭ, a taksama vitrynistykaj. Pavodle adkrytych danych, jaje asnoŭnym vidam dziejnaści byŭ internet-handal, taksama jana zdavała ŭ arendu pamiaškańni pad mierapryjemstvy.
Zvyčajnaje žyćcio šmatdzietnaj maci pierarvaŭ palityčny pieraśled. Ci była jana ŭ SIZA — nieviadoma. Ale ŭ hetym hodzie Minski abłasny sud vynies Elviry prysud pavodle častak 1 i 2 artykuła 361‑4 Kryminalnaha kodeksa Biełarusi (sadziejničańnie ekstremisckaj dziejnaści). Joj prysudzili chatniuju chimiju.
«Naša Niva» — bastyjon biełaruščyny
PADTRYMAĆCiapier čytajuć
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek44
Kamientary