Žychar Navahrudka zareŭnavaŭ byłuju sužycielku i padpaliŭ joj chatu
U Navahrudku zatrymali 45‑hadovaha mužčynu, jakoha abvinavačvajuć u padpale doma byłoj sužycielki, paviedamlaje Śledčy kamitet.
Pavodle źviestak śledstva, kanflikt pamiž mužčynam i žančynaj adbyŭsia ŭ siaredzinie lipienia. Paśla svarki mužčyna niekalki dzion znachodziŭsia ŭ znajomych, dzie ŭžyvaŭ ałkahol.
Paźniej jon vyrašyŭ viarnucca da žančyny. Pa darozie kupiŭ na aŭtazapraŭcy śpirtnoje i try litry bienzinu.
Kali były sužyciel padyšoŭ da chaty, jon zapatrabavaŭ, kab jaho ŭpuścili, ale atrymaŭ admovu. Zapadozryŭšy žančynu ŭ znosinach ź inšym mužčynam, jon vyliŭ bienzin praz adčynienaje akno vierandy i padpaliŭ jaho. U vyniku ahoń chutka achapiŭ pamiaškańnie.
Paśla padpału mužčyna ŭciok i praciahvaŭ raśpivać ałkahol na vulicach horada. Nieŭzabavie jaho zatrymali supracoŭniki milicyi.
Vyśvietliłasia, što raniej jon užo byŭ sudzimy za naŭmysnaje pryčynieńnie lohkich cialesnych paškodžańniaŭ i pahrozu zabojstvam. Paciarpiełaj u toj spravie taksama była jaho byłaja sužycielka.
U dačynieńni da žychara Navahrudka raspačali kryminalnuju spravu. Jamu vystavili abvinavačańnie i ŭziali pad vartu.
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
Ale pra jaje my nie dumajem - my lubim žachacca ad msulmanaŭ ŭ Jeŭropie.