20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Anhielinu Hruzinskuju sudzili za «sadziejničańnie ekstremisckaj dziejnaści». Jana skončyła škołu ŭ 2023 hodzie.
Anhielinie Hruzinskaj 20 hadoŭ. Jana naradziłasia ŭ ahraharadku Makrany Małaryckaha rajona, jaki znachodzicca ŭsiaho za try kiłamietry ad miažy z Ukrainaj. Tam jana vučyłasia ŭ miascovaj škole, jakuju skončyła ŭ 2023 hodzie. Padčas vučoby dziaŭčyna ŭdzielničała ŭ školnych spabornictvach i alimpijadach.
Paśla Anhielina pierajechała ŭ Brest na vučobu.
Niadaŭna dziaŭčynu asudzili pavodle častak 1 i 2 artykuła 361‑4 Kryminalnaha kodeksa, sadziejničańnie ekstremisckaj dziejnaści. Dakładnyja abstaviny jaje spravy pakul nieviadomyja, ale, padobna, pieraśled źviazany sa spravaj Hajuna.
Hruzinskaj prysudzili chatniuju chimiju, ale dakładny termin nieviadomy.
Masavyja palityčnyja represii ŭ krainie pačalisia paśla 2020 hoda. Tady Alaksandr Łukašenka prajhraŭ Śviatłanie Cichanoŭskaj, ale nie addaŭ joj ułady, a zmusiŭ jaje vyjechać za miažu. Heta vyklikała masavyja narodnyja pratesty, u jakich udzielničali miljony ludziej. U adkaz na heta ŭłady raspačali aryšty.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, viadomyja imiony jak minimum 9594 čałaviek, jakija padpali pad palityčna matyvavanyja kryminalnyja spravy. Usiaho tyja ci inšyja palityčnyja represii (kryminałki, administratyŭki, zvalnieńni, pieratrusy) začapili kala 500 tysiač biełarusaŭ. Niekalki socień tysiač ludziej vymušanyja byli pakinuć krainu.
«Ekstremizmam» ułady Biełarusi ličać patrabavańnie pravieści svabodnyja vybary z prazrystym padlikam hałasoŭ, a taksama praktyčna ŭsialakuju krytyku ŭładaŭ, prarasijskich histaryčnych naratyvaŭ ci prajavy salidarnaści z Ukrainaj.
«Naša Niva» — bastyjon biełaruščyny
PADTRYMAĆCiapier čytajuć
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna5
20‑hadovuju dziaŭčynu z ahraharadka Makrany na miažy z Ukrainaj asudzili za Hajuna
Biełaruś užo nie tolki pra palitviaźniaŭ. Z čym Śviatłana Cichanoŭskaja pajechała na adzin z hałoŭnych forumaŭ pa biaśpiecy ŭ ZŠA i što tam rabiŭ Siarhiej Cichanoŭski1818
Kamientary
I čiem ja oskorbił etich svołočiej ?