U Baranavičach pastavili niestandartny znak, na jakim mužčyna paŭzie praz darohu. Što heta było?
Dniami ŭ mikrarajonie «Paŭnočny» źjaviŭsia niezvyčajny darožny znak z žartoŭnym papiaredžańniem: «Pjanyja ludzi pierachodziać darohu».
U abłasnoj milicyi patłumačyli, što heta aznačaje. Vyśvietliłasia, što niezvyčajnaja instalacyja znachodziłasia na zakrytaj terytoryi adnaho z haražnych kaapieratyvaŭ udalečyni ad daroh.
Niekalki dzion tamu staršynia haražnaha kaapieratyva pa ŭzhadnieńni ź jaho členami ŭstanaviŭ mietaličnuju stojku. Na joj zamacavali samarobny žartoŭny znak, infarmacyjnuju šyldu i pudziła «Bajkier». Členy kaapieratyva vykarystavali hetuju kampazicyju jak miascovuju humarystyčnuju słavutaść, pryčym jana nijakim čynam nie pieraškadžała realnamu darožnamu ruchu.
Ale niahledziačy na toje, što abjekt znachodziŭsia na zakrytym ziamielnym učastku, ustanoŭka lubych samarobnych kanstrukcyj, jakija imitujuć elemienty arhanizacyi darožnaha ruchu, nie dapuskajecca, zaznačyli ŭ milicyi.
Zaraz mietaličnaja stojka całkam prybranaja, a sa staršynioj i členami kaapieratyva była praviedziena prafiłaktyčnaja hutarka.
Kamientary