Łukašenka nie źlitavaŭsia nad Cyhanom

Eks‑kiraŭnik administracyi Kastryčnickaha rajona Minska Michaił Cyhan prysudžany da 8 hadoŭ pazbaŭleńnia voli — siońnia ŭ Minskim abłasnym sudzie byŭ abvieščany prysud.

Michaił Cyhan pryznany vinavatym u ździajśnieńni złačynstvaŭ, praduhledžanych č.3 art.430 («Atrymańnie chabaru»), č.3 art.426 («Pieravyšeńnie ŭłady abo słužbovych paŭnamoctvaŭ»), č.2 art.295 («Niezakonnyja dziejańni ŭ dačynieńni da ahniastrelnaj zbroi, bojeprypasaŭ i vybuchovych rečyvaŭ «) KK Biełarusi. U toj ža čas sud pryznaŭ eks‑kiraŭnika nievinavatym i apraŭdaŭ pa abvinavačvańni pa č.2 art.210 («Kradziež šlacham złoŭžyvańnia słužbovymi paŭnamoctvami») z pryčyny adsutnaści składu złačynstva.

Pavodle sukupnaści abvinavačvańniaŭ šlacham častkovaha składańnia pakarańniaŭ Michaił Cyhan prysudžany da 8 hadoŭ pazbaŭleńnia voli z kanfiskacyjaj usioj majomaści i pazbaŭleńniem prava zajmać kirujučuju pasadu ŭ orhanach ułady i kiravańnia na termin 5 hadoŭ. Ź jaho sud pastanaviŭ spahnać u dachod dziaržavy kala 7 młn. rubloŭ.

Prakuror prasiŭ pakarać Cyhana na 9 hadoŭ.

Michaił Cyhan abvinavačvaŭsia ŭ atrymańni chabaraŭ ad pradstaŭnikoŭ kamiercyjnych arhanizacyj i inšych asob, pieravyšeńni ŭłady i słužbovych paŭnamoctvaŭ,

što paciahnuli pryčynieńnie istotnaj škody pravam i zakonnym intaresam hramadzian i dziaržaŭnym intaresam, kradziažy hrašovych srodkaŭ šlacham złoŭžyvańnia słužbovymi paŭnamoctvami, a taksama ŭ ździajśnieńni niezakonnych dziejańniaŭ u dačynieńni bojeprypasaŭ .

Akramia taho, eks‑kiraŭnik Kastryčnickaha rajona na praciahu 4 hadoŭ (z 2006 pa 2009 hod) nieadnarazova atrymlivaŭ hrašovyja i materyjalnyja padarunki ŭ vyhladzie praduktaŭ charčavańnia, rečaŭ, bienzinu, biazvypłatna karystaŭsia pasłuhami sauny i basiejna, atrymaŭ istotnuju źnižku na budaŭnictva kvatery.

Pryčym, kab schavać fakty złoŭžyvańnia słužbovymi paŭnamoctvami, Michaił Cyhan aformiŭ dahavor dolevaha budaŭnictva na inšuju asobu.

Taksama abvinavačanamu ŭ jakaści padarunka pradstaŭniki UP «Biźnies‑tur» pieradali bankaŭskuju kartku z zaličanych na joj $1 tys. za stvareńnie spryjalnych umoŭ dla viadzieńnia biźniesu.

Były kiraŭnik administracyi Kastryčnickaha rajona znachodziŭsia pad vartaj z 7 žniŭnia 2009 hoda.

Jaki prachodziŭ pa spravie ź Michaiłam Cyhanom 73‑hadovaja minčanka Halina Jermałajeva, jakaja była pryciahnuta da kryminalnaj adkaznaści za davańnie chabaru, prysudžanaja da 2 hadoŭ pazbaŭleńnia voli ŭmoŭna z adterminoŭkaj prysudu na adzin hod. Žančyna pryznana vinavataj pa č.1 art.431 «padbuchtorvańnie da dačy chabaru» KK Biełarusi

• 0
• 0
• 0
• 0
• 0
• 0
• 0
• 0