Hazprom: Biełaruś apłaciła majskija pastaŭki rasijskaha hazu
Suma płaciažu — 260,134 miljona dalaraŭ. Razam z tym zastaŭsia doŭh z pačatku 2010 hoda - 192 młn. dalaraŭ.
«Biełtranshaz» zapłaciŭ za majskija pastaŭki rasijskaha hazu zhodna z umovami kantrakta, paviedamlaje «Hazprom».
«Suma płaciažu — 260,134 miljona dalaraŭ. Jana raźličana «Biełtranshazam» u adpaviednaści z kantraktam na pastaŭku hazu ad 31 śniežnia 2006 hoda. Takim čynam, biełaruski bok pryznaŭ nieabchodnaść płacić za haz pa kantraktnaj formule cany», — havorycca ŭ paviedamleńni kampanii.
Razam z tym «Hazprom» zaznačaje, što
»Biełtranshaz» abaviazany nieadkładna apłacić doŭh, jaki sabraŭsia z pačatku 2010 hoda, za pastaŭki rasijskaha hazu ŭ Biełaruś u pamiery 192 młn. dalaraŭ.
Zapazyčanaść sfarmiravałasia ŭ suviazi z tym, što Biełaruś apłačvała haz pa letašniaj canie — 150 dalaraŭ, u toj čas jak kantraktnaja cana ŭ pieršym kvartale 2010 hoda skłałasia 169,2 dalara za tysiaču kubamietraŭ, u druhim — 184,8 dalara. U trecim kvartale košt hazu ŭzraście da 193‑194 dalaraŭ. Siaredniehadavaja cana čakajecca na ŭzroŭni 187 dalaraŭ, paviedamlaje «Hazprom». Pavodle raźlikaŭ kampanii, kali «Biełtranshaz» budzie praciahvać apłačvać pastaŭki hazu pa raniejšaj canie, zapazyčanaść da kanca hoda moža dasiahnuć 500—600 młn. dalaraŭ.
***
Jak paviedamlałasia raniej, z 23 červienia pastaŭki hazu ŭ Biełaruś skaročany na 60% ad płana.
«Z 10.00 uvodzicca abmiežavańnie pastavak na 60%», — zajaviŭ kiraŭnik «Hazproma» Alaksiej Miler na ranišnim pasiadžeńni apieratyŭnaha štaba.
Abmiežavańni byli ŭviedzieny ranicaj 21 červienia — tady «Hazprom» skaraciŭ pastaŭki hazu ŭ Biełaruś na 15%. 22 červienia abjom pastavak źmienšyŭsia na 30%. Kiraŭnictva «Hazproma» papiaredziła, što abmiežavańnie płanujecca davieści da 85%, adpaviedna z uzroŭniem zapazyčanaści Minska za haz.
Ciapier čytajuć
Ad pryvatnikaŭ patrabujuć zavieści ideołaha ŭ štacie — raspytali, što robiać kampanii17
Kamientary