U Maskvie pachavali hienierał-majora Płachatniuka, jaki zahinuŭ na dni naradžeńnia hienierała Čajko
Na Trajekuraŭskich mohiłkach u Maskvie 5 žniŭnia prajšła cyrymonija pachavańnia hienierał-majora Valeryja Płachatniuka. Pra heta pieršapačatkova paviedamiŭ telehram-kanał «VČK-OHPU», pavodle danych jakoha vajskoviec zahinuŭ 1 žniŭnia padčas vybuchu ŭ maskoŭskim restaranie Balzi Rossi.
Płachatniuk padčas słužby ŭ Prydniastroŭi. Fota: Minabarony RF
Vydańnie «Miedyjazona» pravieryła źviestki praź dziaržaŭnyja rejestry i paćvierdziła fakt śmierci Płachatniuka 1 žniŭnia.
U 2011 hodzie Valeryj Płachatniuk byŭ pryznačany načalnikam Apieratyŭnaj hrupy rasijskich vojskaŭ u Prydniastroŭi. Paźniej, u 2021 hodzie, užo na pasadzie načalnika štaba 49‑j ahulnavajskovaj armii, jon atrymaŭ zvańnie hienierał-majora pavodle ŭkaza Uładzimira Pucina.
U toj ža čas vydańnie «Viorstka» źniapraŭdžvaje źviestki pra hibiel pry vybuchu hienierała Ihara Jerusalimava, pra što paviedamlaŭ kanał «VČK-OHPU».
Vybuch u restaranie Balzi Rossi ŭ Maskvie adbyŭsia ŭviečary 1 žniŭnia. Spačatku paviedamlałasia, što pryčynaj mahła być uciečka hazu, ale paźniej Nacyjanalny antyterarystyčny kamitet Rasii zajaviŭ, što ŭ restaranie spracavała vybuchovaje prystasavańnie, jakoje žančyna sprabavała zanieści pad vyhladam padarunka.
U vyniku vybuchu zahinuli piać čałaviek, jašče nie mienš za 19 atrymali ranieńni.
Pavodle nieaficyjnaj infarmacyi, mahčymaj cellu dla napadu moh być sam hienierał Alaksandr Čajko, jakoha ŭkrainskija ŭłady abvinavačvajuć u datyčnaści da vajennych złačynstvaŭ u Bučy. Jahony stan paśla vybuchu nieviadomy. Paviedamlajecca, što padčas incydentu zahinuŭ jaho ziać Daniił Pieradryj, a 25‑hadovaja dačka Maryja Čajko mahła atrymać ranieńni.
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
Nieviadoma i pra stan paciarpiełych. Kolkaść ich raście.
Ŭdały vybuch. Škada tolki žančynu jakaja dastaviła vybuchoŭku na miesca.