Paćvierdziłasia hibiel ziacia rasijskaha hienierała pry vybuchu ŭ restaranie ŭ Maskvie
Dziaržaŭnaja baza paćvierdziła śmierć ziacia kiraŭnika VKS Alaksandra Čajko paśla vybuchu 1 žniŭnia kala restarana ŭ Maskvie.
Adzin ź piersanalnych dakumientaŭ ziacia hałoŭnakamandujučaha Pavietrana-kaśmičnymi siłami Rasii Alaksandra Čajko Daniiła Pieradryja byŭ pryznany niesapraŭdnym, vyśvietliła «Ahienctva». Heta paćviardžaje infarmacyju pra toje, što jon zahinuŭ padčas vybuchu ŭ maskoŭskim restaranie Balzi Rossi.
Infarmacyja pra pryznańnie niesapraŭdnym dakumienta, numar jakoha patrapiŭ u vyvučanyja «Ahienctvam» uciečki, źjaviłasia ŭ dziaržaŭnych bazach u noč na sieradu. Adnak sam dakumient pryznany niesapraŭdnym jašče 1 žniŭnia — u dzień vybuchu ŭ maskoŭskim restaranie Balzi Rossi.
U niadzielu pra zahinułaha Pieradryja napisaŭ prarasijski błohier Anatol Šaryj. Jon paviedamiŭ, što dačka hałoŭkama VKS Maryja Čajko mahła paciarpieć padčas vybuchu, a jaje muž Daniił Pieradryj zahinuŭ. Pra toje, što dačka hienierała była siarod paciarpiełych, pisała taksama «Viorstka» sa spasyłkaj na krynicu.
Zhodna z uciečkami, jana źmianiła proźvišča z Čajko na Pieradryj u 2025 hodzie. Viasielle zhulali ŭ červieni minułaha hoda ŭ premijalnym pasiołku pobač z Rubloŭkaj.
U začynienym 1 žniŭnia na pryvatnaje absłuhoŭvańnie restaranie adznačałasia 55‑hodździe hałoŭnakamandujučaha PKS RF hienierała Alaksandra Čajko.
Sam hienierał, pa najaŭnaj infarmacyi, nie paciarpieŭ.
Alaksandr Čajko ŭ 2022 hodzie kamandavaŭ nastupam na Kijeŭ i znachodzicca pad sankcyjami ES praz datyčnać da vajennych złačynstvaŭ u Bučy.
Ciapier čytajuć
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj3
Statkievič pra «Noč muziejaŭ» u Minsku: My zrazumieli, što ludzi apładziravali nie saksafanistu, a nam z žonkaj
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru11
Instytut biełaruskaje movy zapuściŭ niezaležny «Korpus biełaruskich tekstaŭ», jaki źbiraje leksiku, jakaja nie traplaje ŭ aficyjnyja bazy praz cenzuru1
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
Kamientary
Škada, što hienierał nie papaŭ na kancert Kabzona.)))