Telehram-kanał «VČK-OHPU», jaki raniej paviedamlaŭ pra patajemnaje pachavańnie niejkaha hienierała na Trajakuraŭskich mohiłkach u Maskvie, daviedaŭsia jahonaje imia i proźvišča. Pachavany byŭ 53‑hadovy Ihar Jerusalimaŭ.
Raźvitańnie z hienierałam adbyvałasia 4 žniŭnia nie ŭ publičnym miescy, a ŭ jahonaj kvatery na vulicy Avijataraŭ. Išło jano da 21:00, a pachavańnie było pryznačana na 10:00 nastupnaha dnia.
U abjavie pra raźvitańnie Jerusalimaŭ nazyvajecca «hierojem śpiecyjalnaj vajennaj apieracyi», ale biez paznačeńnia pasady. Viadoma, što raniej jon byŭ načalnikam apieratyŭnaha ŭpraŭleńnia Zachodniaj vajskovaj akruhi — namieśnikam načalnika štaba Zachodniaj vajskovaj akruhi Uzbrojenych sił Rasijskaj Fiederacyi, i ŭ hetaj jakaści ŭ listapadzie 2022 hoda pryjazdžaŭ u Minsk na kanfierencyju «Raźvićcio, padrychtoŭka i prymianieńnie sił i srodkaŭ sistemy kalektyŭnaj biaśpieki Arhanizacyi Damovy ab kalektyŭnaj biaśpiecy».
Zvańnie hienierał-lejtenanta Ihar Jerusalimaŭ atrymaŭ krychu bolš za hod tamu, u mai 2025 hoda, a da taho ź lutaha 2022‑ha byŭ hienierał-majoram. U 2024 hodzie zhadvaŭsia ŭ rasijskim rejestry jak pieršy namieśnik načalnika štaba Maskoŭskaj vajskovaj akruhi.
Miarkujecca, što zahinuły moh być siabram hałoŭnakamandujučaha Pavietrana-kaśmičnymi siłami Rasii hienierała Alaksandra Čajko i prysutničaŭ na śviatkavańni jaho 55‑hodździa ŭ restaranie Balzi Rossi.
Vybuch u restaranie Balzi Rossi ŭ Maskvie adbyŭsia ŭviečary 1 žniŭnia. Spačatku paviedamlałasia, što pryčynaj mahła być uciečka hazu, ale paźniej Nacyjanalny antyterarystyčny kamitet Rasii zajaviŭ, što ŭ restaranie spracavała vybuchovaje prystasavańnie, jakoje žančyna sprabavała zanieści pad vyhladam padarunka.
U vyniku vybuchu zahinuli piać čałaviek, jašče nie mienš za 19 atrymali ranieńni.
Pavodle nieaficyjnaj infarmacyi, mahčymaj cellu dla napadu moh być sam hienierał Alaksandr Čajko, jakoha ŭkrainskija ŭłady abvinavačvajuć u datyčnaści da vajennych złačynstvaŭ u Bučy. Jahony stan paśla vybuchu nieviadomy. Paviedamlajecca, što padčas incydentu zahinuŭ jaho ziać Daniił Pieradryj, a 25‑hadovaja dačka Maryja Čajko mahła atrymać ranieńni.
U Maskvie paśla vybuchu ŭ restaranie Balzi Rossi prajšło patajemnaje pachavańnie hienierała
Paćvierdziłasia hibiel ziacia rasijskaha hienierała pry vybuchu ŭ restaranie ŭ Maskvie
MZS Rasii dało niečakanaje tłumačeńnie vybuchu ŭ maskoŭskim elitnym restaranie
Pry vybuchu ŭ Maskvie paciarpieła, padobna, dačka rasijskaha hienierała, jaki kamandavaŭ nastupam na Kijeŭ
Kolkaść achviar vybuchu ŭ maskoŭskim elitnym restaranie na jubilei hienierała, jaki kamandavaŭ nastupam na Kijeŭ ź Biełarusi ŭ 2022-m, vyrasła da piaci čałaviek
Kamandujučy Pavietranymi siłami Rasii Čajko žyvy. Z troch zahinułych pry vybuchu ŭ elitnym restaranie ŭ Maskvie tolki adzin — naviedvalnik
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary