Najbujniejšyja NPZ Kazachstana admovilisia pastaŭlać bienzin u Rasiju praz sankcyjnyja ryzyki
Najbujniejšyja naftapierapracoŭčyja zavody Kazachstana nie skarystalisia kvotami na ekspart bienzinu ŭ Rasiju. Pra heta paviedamili ahienctvu Reuters čatyry krynicy ŭ halinie, piša The Moscow Times.
U lipieni kazachstanskaje Ministerstva enierhietyki dazvoliła Paŭładarskamu NPZ, druhomu pa mahutnaści ŭ krainie, pastavić u Rasiju 17,5 tysiačy ton bienzinu AI-92. U žniŭni anałahičnuju kvotu atrymaŭ Atyrauski NPZ. Mahutnaść abodvuch pradpryjemstvaŭ składaje kala 5,5 miljonaŭ ton naftapierapracoŭki na hod.
Adnak uładalniki paliva vyrašyli nie adpraŭlać bienzin na rasijski rynak. Siarod asnoŭnych pryčyn jany nazyvajuć prablemy z raźlikami praz rasijskija banki i niebiaśpieku trapić pad zachodnija sankcyi. Pavodle adnoj z krynic, nichto nie choča ryzykavać sankcyjami.
Akramia taho, u samim Kazachstanie ciapier nie staje aŭtamabilnaha paliva. Popyt siezonna vysoki, a ŭ susiednich krainach taksama nazirajecca deficyt bienzinu.
Pastaŭlać paliva ŭ Rasiju pahadziŭsia tolki nievialiki NPZ «Kandensat» mahutnaściu kala 850 tysiač ton na hod. U lipieni jon ekspartavaŭ u Rasiju 9 tysiač ton bienzinu. U žniŭni zavod atrymaŭ pieršuju partyju rasijskaj nafty pa čyhuncy — 4,1 tysiačy ton. Raniej pradpryjemstva zakuplała naftu ŭ «Tatnafty».
Pry hetym kazachstanski bienzin dla rasijskich pakupnikoŭ zanadta darahi. Košt bienzinu AI-92 z Atyrauskaha NPZ składaje kala 1100—1200 dalaraŭ za tonu, što prykładna na 43% vyšej za ciapierašniuju biržavuju canu ŭ Rasii.
Situacyja z palivam u Rasii zastajecca napružanaj. Pavodle acenak, ułasnaja vytvorčaść bienzinu kampiensuje tolki kala dźviuch tracin unutranaha popytu. Z pačatku hoda ŭkrainskija bieśpiłotniki bolš za 70 razoŭ atakavali rasijskija NPZ. Na pačatak žniŭnia nie mienš za 18 zavodaŭ poŭnaściu nie pracavali albo byli zahružanyja tolki častkova, a za apošnija čatyry tydni jašče piać NPZ całkam spynili vytvorčaść paliva.
Pavodle Rystad Energy, abjomy naftapierapracoŭki ŭ Rasii ciapier prykładna na 30% nižejšyja za siezonnuju normu i składajuć kala 4 miljonaŭ baralaŭ za sutki. U vieraśni istotna pavialičyć ułasnuju vytvorčaść i takim čynam likvidavać deficyt, pavodle halinovych acenak, nie atrymajecca.
Pakul USU nanosiać udary pa NPZ, Rasija atakuje ŭkrainskija AZS. Jakija nastupstvy hetych atak?
USU nanieśli paśpiachovy ŭdar pa Afipskim NPZ u Krasnadarskim krai
U Kazachstanie zahareŭsia adzin z najbujniejšych naftazavodaŭ
NPZ u Piermi spyniŭ pracu paśla ataki ŭkrainskich bieśpiłotnikaŭ
Ci zdymaje Biełaruś viarški z paliŭnaha kryzisu ŭ Rasii? Jość niuansy
Ciapier čytajuć
Vital z-pad Vilejki, jaki padpaliŭ chatu z ułasnymi dziećmi, zavierbavaŭsia ŭ rasijskaje vojska. I prapaŭ na pieršym ža bajavym zadańni5
Kamientary
- ...
- Ałło, tiebia nie słyšno, kto kuda pošieł?
- ...
- V smysła "pošieł na..."?!