U Šviecyi zatrymali biełarusa — jon fatahrafavaŭ achoŭnyja abjekty. Tam vyrablajuć rakiety i bojeprypasy
Mužčynu, jakomu kala 30 hadoŭ, zatrymali kala ŭvachodu ŭ pramysłovuju zonu horada Karłskuha. U jaho kanfiskavali kamieru i kampjutarnuju techniku.
Biełarusa zatrymali 3 vieraśnia. Achoŭniki zaŭvažyli padazronaha i paviedamili pra jaho palicyi. Pobač znachodziŭsia hałoŭny ŭvachod u pramysłovuju zonu Bjorkborn, dzie pracujuć pradpryjemstvy abaronnaj i chimičnaj pramysłovaści.
Sud uziaŭ biełarusa pad vartu pavodle padazreńnia ŭ niezakonnym fatahrafavańni achoŭnaha abjekta.
U pramysłovaj zonie Bjorkborn raźmiaščajucca, siarod inšych, pradpryjemstvy Saab Dynamics, Eurenco Bofors i Nammo Sweden. Pavodle aficyjnaj infarmacyi pra terytoryju, Saab Dynamics raspracoŭvaje i vyrablaje tam rakiety i bojeprypasy, Nammo zajmajecca vytvorčaściu bojeprypasaŭ i ich kampanientaŭ, a Eurenco Bofors — porachu i vybuchovych rečyvaŭ.
Pavodle šviedskaha zakanadaŭstva, status achoŭnaha abjekta mohuć atrymać važnyja dla nacyjanalnaj biaśpieki budynki, pradpryjemstvy i terytoryi, u tym liku abjekty abaronnaj pramysłovaści. Za parušeńnie pahražaje štraf abo da hoda turmy.
Heta nie pieršy padobny vypadak u Karłskuzie. U červieni 2024 hoda kala terytoryi Saab zatrymali rasijanina. Jaho vinavacili ŭ fatahrafavańni niekalkich achoŭnych abjektaŭ u roznych častkach Šviecyi — u Stakholmie, Sundsvali i Karłskuzie.
Kamientary
I nikto na eto nie obraŝajet vnimanije. Mohut i v Švieciju zahlanuť, jeśli nado.