U Biełarusi pačałasia aktyŭnaja padrychtoŭka zakanadaŭčaj bazy dla lehalizacyi bieśpiłotnaha transpartu. U nastupnyja 2‑3 hady ŭ PDR uniasuć adpaviednyja normy, a ruch aŭtanomnych mašyn pačnuć testavać na tramvajach, piša Mlyn.by.
Pytańnie ruchu bieśpiłotnaha transpartu ŭžo ŭklučana ŭ płan pa źmianieńni zakanadaŭstva. Jak raspavioŭ načalnik hałoŭnaha ŭpraŭleńnia DAI Viktar Rotčankaŭ, praca nad narmatyŭnaj bazaj zojmie kala 2‑3 hadoŭ.
— My ŭžo pačynajem pracavać nad źmianieńniem zakanadaŭstva, kab dać dostup… mahčyma, pačać z tramvajaŭ, potym z aŭtamabilaŭ, kab kiravali mienavita bieśpiłotniki, — rastłumačyŭ Rotčankaŭ.
Pavodle jaho słoŭ, da 2028—2029 hoda płanujecca vyjści na zaviaršalnuju stadyju, a sami terminy i paniaćci, źviazanyja ź bieśpiłotnaj technikaj, mohuć źjavicca ŭ PDR nie paźniej za 2030 hod.
Bieśpiłotnyja aŭtamabili ŭžo ŭklučany ŭ pryjarytetnyja napramki prahramy sacyjalna-ekanamičnaha raźvićcia — razam sa štučnym intelektam i bijatechnałohijami.
Adnačasova z pravavymi normami viadziecca techničnaja standartyzacyja. Pieršy namieśnik staršyni Dziaržstandartu Alaksandr Burak adznačyŭ, što raspracoŭka profilnych standartaŭ užo pačałasia: «U siarednim heta 10—20 standartaŭ, jakija buduć uklučany ŭ prahramy techrehłamientaŭ. My płanujem, što z 2027—2028 hoda takija raboty pačnuć uklučacca».
U jakaści paśpiachovaha prykładu jon pryvioŭ niadaŭna pryniaty standart na srodki piersanalnaj mabilnaści (SPM), jaki zaćvierdzili na placoŭcy Miždziaržaŭnaha savieta pa standartyzacyi ŭ kancy lipienia.
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2020
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki20
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary