Da vioski pad Hrodnam prybiłasia źniasilenaje kazulania. U zaaparku pakazali, što ź im ciapier VIDEA
Dva z pałovaj miesiacy tamu ŭ adnoj ź viosak Hrodzienskaha rajona znajšli maleńkaje biezdapamožnaje kazulania. Jaho pieradali ŭ Hrodzienski zaapark, i ciapier jaho supracoŭniki pakazali videa svajho maleńkaha padapiečnaha, jaki za apošnija miesiacy prykmietna padros i nabraŭsia sił.
Kazulania trapiła ŭ zaapark kala dvuch z pałovaj miesiacaŭ tamu. Žychary vioski znajšli jaho adnaho i mocna źniasilenaha. Spačatku ludzi nie stali zabirać małoje, čakajučy, što za im vierniecca maci. Ale hetaha nie adbyłosia, tamu pra znachodku paviedamili śpiecyjalistam inśpiekcyi pryrodnych resursaŭ i achovy navakolnaha asiarodździa.
U zaaparku ŭ žyvioły dyjahnastavali mocnaje źniasileńnie i dystrafiju, a taksama vyjavili vialikuju kolkaść klaščoŭ — śpiecyjalisty źniali z kazulaniaci bolš za 100 parazitaŭ.
Z-za atrafii myšcaŭ nohi małoha vyvaročvalisia, a sami kaniečnaści byli vielmi tonkimi. Tamu jamu dali mianušku Prucik.
Vieterynary štodnia sačyli za stanam kazulaniaci i raspracavali dla jaho indyvidualnuju prahramu adnaŭleńnia. Małomu praviali kurs vitaminaŭ, aminakisłot i minierałaŭ.
Ciapier Prucik značna padros i staŭ macniejšym. Kazulania ŭpeŭniena staić na nahach i maje dobry apietyt. Ale śpiecyjalisty praciahvajuć jaho reabilitacyju.
Na biełaruskich trasach štučny intelekt pačaŭ šukać łasioŭ. Jak heta pracuje?
U Čechii palicyjanty vyjechali ratavać paranienuju kazulu. Z hetaha vyjšaŭ adzin śmiech
Na palavańni pad Hrodnam jehier zastreliŭ palaŭničaha
Kazulu zabrali na lačeńnie, jaka adsialili ŭ asobny valjer. Što źmianiłasia ŭ «Dukorskim majontku» paśla skandału
Kamientary