ZŠA i Jeŭropa nie spadziajucca damovicca z Pucinym i rychtujucca da praciahłaj vajny
Amierykanskija i jeŭrapiejskija čynoŭniki ličać, što vajna va Ukrainie moža praciahnucca jak minimum da 2027 hoda. Pavodle infarmacyi krynic ahienctva Bloomberg, apošniaja sproba adnavić pieramovy z Kramlom nie pryniesła istotnaha vyniku.
Vizit śpiecpasłańnikaŭ ZŠA Džareda Kušniera i Styviena Uitkafa ŭ Maskvu i Kijeŭ nie pryvioŭ da praryvu. Paśla trochhadzinnaj sustrečy ź imi Uładzimir Pucin, pavodle jeŭrapiejskich krynic, nie zaśviedčyŭ hatoŭnaści źmianić svaju pazicyju i moža ŭzmacnić udary pa Ukrainie z nabližeńniem zimy.
Adzin z surazmoŭcaŭ Bloomberg śćviardžaje, što Rasija ŭ najbližejšyja šeść miesiacaŭ moža ŭzmacnić ataki na ŭkrainskuju enierhietyku i sistemy ciepłazabieśpiačeńnia, a taksama hibrydnyja ataki suprać jeŭrapiejskich krain. U Kramli raźličvajuć palepšyć svaje pazicyi da viasny i paźbiahajuć surjoznych pieramoŭ da taho času.
Mahčymyja rasijska-ŭkrainskija pieramovy pry ŭdziele ZŠA mohuć adbycca paśla vieraśnioŭskich vybaraŭ u Dziaržaŭnuju dumu ŭ Rasii, adnak krynicy Bloomberg sumniavajucca, što jany pryviaduć da mirnaha pahadnieńnia.
Na hetym fonie Jeŭropa rychtujecca pavialičvać vajskovuju padtrymku Ukrainy. Vialikabrytanija abviaściła pra novy pakiet dapamohi na 100 miljonaŭ funtaŭ sterlinhaŭ. Ministr abarony Hiermanii Borys Pistoryus zajaviŭ, što Bierlin terminova pieradaść Ukrainie rakiety dla sistem Patriot sa svaich zapasaŭ, nazvaŭšy padrychtoŭku krainy da zimy hałoŭnym pryjarytetam.
Viktar Łukašenka zaśviaciŭ na pasiadžeńni NAK svoj hadzińnik — ciažki luks30
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2222
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki22
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary